Pýtin Zelenskii Tramptyń beibit josparyn talqylaýǵa keliskenine qaramastan, kelissózge daiyn emes ekenin ańǵartty, dep habarlaidy Dalanews.kz.
"Agentstvo.Novosti" jazýynsha, beisenbi keshinde Kreml Vladimir Pýtinniń Bas shtab bastyǵy Valerii Gerasimov jáne eki áskeri toptyń qolbasshylarymen ótkizgen keńesiniń kadrlaryn jariialady. Jiyn barysynda Pýtin Ýkraina basshylyǵyn «uiymdasqan qylmystyq top» dep atady. Bul video AQSh-tyń Ýkrainadaǵy soǵysty toqtatýǵa arnalǵan jańa beibit josparyn jyljytýǵa baǵyttalǵan áreketteri aiasynda shyqty. Qujat sol kúni Ýkraina prezidenti Vladimir Zelenskiige berildi, al ol jospar boiynsha kelissóz júrgizýge daiyn ekenin málimdedi.
Pýtin Gerasimovtan Kýpiansktegi jaǵdaidy baiandaýdy surap, «Ýkraina áskeri qarý tastap, tutqynǵa berilýi úshin qajetti jaǵdai jasaldy ma?» dep surady.
Gerasimov Kýpiansktiń tolyq «alynǵanyn» aitty. Osydan keiin Pýtin Ýkraina basshylyǵy týraly pikirin bildirdi.
«Ýkrainanyń qazirgi saiasi basshylyǵynyń ne ekenin biz jaqsy túsinemiz. Bul - saiasi basshylyq emes. Ótken jyldyń naýryzynan beri bir top adam bilikti tartyp alyp, soǵysty jalǵastyrýdy syltaý etip, jeke bailyq jinaý úshin bilikte otyr. Ýkrainadaǵy antikorrýptsiialyq tergeýlerdiń nátijesi bul jaǵdaidy anyq kórsetti. Al altyn ústinde otyrǵan bul adamdar el taǵdyryn, halyqtyń taǵdyryn, ásirese ofitserler men qarapaiym sarbazdardyń taǵdyryn oilap otyr deý qiyn», - dedi Pýtin.
Pýtin odan ári: «Bizdiń óz mindetterimiz, óz maqsattarymyz bar. Eń bastysy - arnaiy áskeri operatsiianyń maqsattaryna sózsiz qol jetkizý», - dedi.
Agenttik jazýynsha, Pýtinniń jańa AQSh beibit jospary talqylanyp jatqan ýaqytta komandalyq pýnktte keńes ótkizýi - jai sáikestik emes. Onyń Gerasimovpen dialogy da aldyn ala uiymdastyrylǵan áser qaldyrǵan. Kreml videony Zelenskiidiń kelissózge kelisim bergeni jariia bolǵannan keiin kóp uzamai taratty.
Beisenbi kúni Ýkraina prezidenti AQSh armiiasy ministri Den Driskollǵa Tramp ákimshiliginiń Reseimen qaqtyǵysty retteý jónindegi jańa josparyn talqylaýǵa daiyn ekenin aitty. Bul týraly Axios ýkrain jáne amerikalyq sheneýnikterge silteme jasap habarlady.
