Ýkrainadaǵy áskeri qaqtyǵystarǵa qatysqan qazaqstandyq Petr Miroshnichenko Reseiden ýaqytsha baspana alady. Bul týraly Resei Ishki ister ministrligi málimdedi, dep habarlaidy Dalanews.kz.
«Resei IIM bul azamattyń el aýmaǵynda ýaqytsha turýyna ruqsat berýge ázir. Bul týraly buǵan deiin «Vostok» eriktiler brigadasynyń ókilderine habarlanǵan», – dep málimdedi vedomstvo.
Petr Miroshnichenko buǵan deiin Resei prezidenti Vladimir Pýtinge beineúndeý joldap, Resei azamattyǵyn alýǵa kómektesýdi suraǵan.
«Qazaqstanǵa qaitýym múmkin emes, óitkeni ol jaqta meni jaldamaly áskeri qyzmetke qatysqanym úshin uzaq merzimdi túrme jazasy kútip tur. Al Reseide de resmi túrde bola almaimyn, sebebi maǵan bul jerde kirýge tyiym salynyp, elden shyǵarý týraly sheshim qabyldanǵan», – degen edi Miroshnichenko óz úndeýinde.
