Resei prezidenti Vladimir Pýtin Qorǵanys ministrliginiń keńeitilgen alqa otyrysynda Ýkrainadaǵy soǵysqa qatysty birqatar málimdeme jasady. Bul týraly BBC habarlady, dep jazady Dalanews.kz.
Pýtinniń aitýynsha, Máskeý Ýkraina aýmaǵyndaǵy ózin «óz jeri» dep esepteitin aimaqtardy áskeri jolmen basyp alýǵa daiyn.
"Arnaiy áskeri operatsiianyń maqsaty sózsiz oryndalady. Biz qaqtyǵystyń bastapqy sebepterin diplomatiialyq jolmen joiýǵa tyrystyq. Alaida qarsy tarap pen ony qoldap otyrǵan sheteldik kúshter kelissózderden bas tartsa, Resei óziniń tarihi jerlerin áskeri jolmen azat etýge qol jetkizedi", - dedi ol.
Resei biligi buǵan deiin Ýkrainanyń tórt oblysyn - Donetsk, Lýgansk, Zaporoje jáne Herson aimaqtaryn anneksiialaǵanyn jariialaǵan. Alaida qazirgi ýaqytta Resei áskeri bul óńirlerdiń ishinde tek Lýgansk oblysyn tolyq baqylaýda ustap otyr.
BAQ dereginshe, Máskeý Donetsk oblysyndaǵy Kiev baqylaýyndaǵy aýmaqtardan da ýkrain kúshteriniń ketýin talap etýde. Ýkraina biligi bul talapty qabyldamai otyr.
Buǵan deiin Ýkraina prezidenti Vladimir Zelenskii aýmaqtyq máselelerdi sheshý tek referendým arqyly múmkin ekenin málimdegen edi.
