رەسەي پرەزيدەنتٸ ۆلاديمير پۋتين قورعانىس مينيسترلٸگٸنٸڭ كەڭەيتٸلگەن القا وتىرىسىندا ۋكرايناداعى سوعىسقا قاتىستى بٸرقاتار مەلٸمدەمە جاسادى. بۇل تۋرالى BBC حابارلادى, دەپ جازادى Dalanews.kz.
پۋتيننٸڭ ايتۋىنشا, مەسكەۋ ۋكراينا اۋماعىنداعى ٶزٸن «ٶز جەرٸ» دەپ ەسەپتەيتٸن ايماقتاردى ەسكەري جولمەن باسىپ الۋعا دايىن.
"ارنايى ەسكەري وپەراتسييانىڭ ماقساتى سٶزسٸز ورىندالادى. بٸز قاقتىعىستىڭ باستاپقى سەبەپتەرٸن ديپلوماتييالىق جولمەن جويۋعا تىرىستىق. الايدا قارسى تاراپ پەن ونى قولداپ وتىرعان شەتەلدٸك كٷشتەر كەلٸسسٶزدەردەن باس تارتسا, رەسەي ٶزٸنٸڭ تاريحي جەرلەرٸن ەسكەري جولمەن ازات ەتۋگە قول جەتكٸزەدٸ", - دەدٸ ول.
رەسەي بيلٸگٸ بۇعان دەيٸن ۋكراينانىڭ تٶرت وبلىسىن - دونەتسك, لۋگانسك, زاپوروجە جەنە حەرسون ايماقتارىن اننەكسييالاعانىن جارييالاعان. الايدا قازٸرگٸ ۋاقىتتا رەسەي ەسكەرٸ بۇل ٶڭٸرلەردٸڭ ٸشٸندە تەك لۋگانسك وبلىسىن تولىق باقىلاۋدا ۇستاپ وتىر.
باق دەرەگٸنشە, مەسكەۋ دونەتسك وبلىسىنداعى كيەۆ باقىلاۋىنداعى اۋماقتاردان دا ۋكراين كٷشتەرٸنٸڭ كەتۋٸن تالاپ ەتۋدە. ۋكراينا بيلٸگٸ بۇل تالاپتى قابىلداماي وتىر.
بۇعان دەيٸن ۋكراينا پرەزيدەنتٸ ۆلاديمير زەلەنسكيي اۋماقتىق مەسەلەلەردٸ شەشۋ تەك رەفەرەندۋم ارقىلى مٷمكٸن ەكەنٸن مەلٸمدەگەن ەدٸ.
