Resei prezidenti Vladimir Pýtin Qazaqstanǵa qashan is-saparmen keletini belgili boldy, - dep habarlaidy Dalanews.kz.
Málimetke súiensek, Resei prezidentiniń sapary 27 qarashaǵa josparlanǵan.
"Murat Nurtileý Elordada QR Premer-Ministriniń orynbasary, Syrtqy ister ministri Murat Nurtileý men Resei Syrtqy ister ministri Sergei Lavrov kelissózder júrgizip jatyr.
Taraptar halyqaralyq máselelerdi talqylap, EAEO, UQShU, TMD, ShYU boiynsha ózara is-qimyl týraly pikir almasady. Qazaqstan BRIKS-ke seriktes el retinde qosylýǵa shaqyrtý alǵan. Bul týraly Resei SIM basshysy málim etti.
Odan bólek Qasym-Jomart Toqaev pen Vladimir Pýtinniń 27 qarashada Ýfa qalasynda ótetin Qazaqstan men Reseidiń óńiraralyq yntymaqtastyq forýmyna onlain qatysatyny jóninde habarlady", - dep jazylǵan derekte.
Ashyq derekkóz
Aita keteiik, qazanda Vladimir Pýtin Qazaqstanǵa keletini týraly aqparat tarady. Sol kezde Resei prezidenti Qazaqstanǵa qarashanyń aiaǵynda kelýdi josparlap otyrǵany aityldy.
"Saparǵa shynymen de belsendi túrde daiyndyq júrip jatyr. Kúnderin ýaqtynda habarlaimyz",- dedi Peskov buǵan deiin.
Eske salaiyq, Pýtinniń buǵan deiingi sapary biyl shildede boldy. Ol ShYU sammitine qatysý úshin Astanaǵa keldi.
Resei Federatsiiasynyń prezidenti Vladimir Pýtindi áýejaida Qazaqstan Respýblikasynyń premer-ministri Oljas Bektenov qarsy alǵan bolatyn.
Vladimir Pýtin Shanhai yntymaqtastyq uiymynyń sammitine qatysty.
Anyqtama úshin: Úkimet málimetine súiensek, 5 jyl ishinde QR men RF arasyndaǵy taýar ainalymy $7,4 mlrd. bolǵan.
