Peterbor ekonomikalyq forýmynda Qasym-Jomart Toqaev Qazaqstannyń "DHR" men "LHR"-dy moiyndamaitynyn ashyq aitqan. Odan bólek Qazaqstanǵa qarsy aqparattyq shabýyl jasaityn reseilik jekelegen mádeniet jáne aqparat salasynyń nasihatshylaryna eskertý jasaǵan. Óz kezeginde Resei prezidenti Vladimir Pýtin "eski ánine" basyp, Qazaqstan prezidentiniń esimin "Kemeljemelovich" dep, qate aitty. Pýtin Toqaevtyń atyn buryn da durys atamaǵan kezderi bar.
Reseidiń "Jivoi Gvozd" iýtýb-arnasynda taiaýda reseilik Evgenii Roizman atty saiasatkeri osy oqiǵany saraptap shyqqan.
"Tarihshy retinde siz (júrgizýshige) Qazaqstannyń Resei quramyna qalai kirgenin bilesiz. Odan bir kisidei habaryńyz bar. Máńgilik kórshi ári eshqashan eshqaida kete qoimaityn qazaqtardyń narazylyǵyn (Reseige degen) bilesiz. Ol – Soltústik Qazaqstandaǵy ádeii júrgizilgen asharshylyq", - deidi Evgenii Roizman.
Osy kezde saiasatkerdiń áriptesi asharshylyq "Qazaqstannyń soltústiginde ǵana emes, búkil Qazaqstanda bolǵanyn, otyzynshy jyldary qazaqtardyń úshten biri qyrylyp qalǵanyn" eske saldy.
"Iá, qazaqtar sany jaǵynan óz ultymen salystyryp eseptegende, bárinen kóp adam joǵaltqan halyq. Eshkim de ony eshqashan umytqan emes. Bul óte úlken áńgime. Meni ne tańǵaldyrdy? Sol jiynda (Peterbor ekonomikalyq forýmynda – avt.) aitylǵan sózderdiń túsiniksiz bolǵany sonshalyq, ol sózder tipti bir-birine qarama-qaishy bolyp ta jatty.
Ekinshiden, Qasym-Jomart Toqaev ózin qalai ustamdy, ziialy, oily ustaǵanyna mán berińizder. Salystyryp qarasań, jer men kóktei (Resei prezidentimen salystyryp otyr – avt.). Oǵan (Toqaevqa – avt.) degen qurmet paida boldy. Ony sol jerde bári kórdi", - dep jalǵastyrady sózin Roizman.
Reseilik saiasatker Qasym-Jomart Toqaev uzaq ýaqyt boiy Birikken Ulttar uiymynda eńbek etkenin, kóp til biletinin, prezidenttikke deiin diplomat bolǵanyn, forýmda ózin bir eldiń basshysy deńgeiinde laiyq ustaǵanyn aitady. Ol sonymen qatar, eki eldiń basshysynyń aiyrmashylyǵyn bári kórgenin de atap ótedi.
"Iá, onyń jaǵdaiy kúrdeli. Dál qazir ózin "tártipti" ustaýǵa májbúr. Biraq jalpy bárine tártipti bolý kerek, negizi. Oǵan qosa Toqaevtyń shyǵys halyqtaryna tán tárbiesin baiqaimyz. Ol tártipti bolý kerektigin túsinedi. Kópshiliktiń aldynda ony qorlasa da (bul jerde Roizman Pýtinniń Toqaevtyń atyn qate aitqanyn meńzep tur – avt.), ol ózin tártipti ustap otyr. Biraq menińshe adamnyń atyn durys atamaý jaǵdailary eshqashan umytylmaidy. Buryn sheneýnik bolǵan óz basym bir kisidei bilemin: kez kelgen sheneýniktiń atyn basqa bir sheneýnik atyn atamai, basqa atpen atasa, "apparat tilinde" bul jaǵdai senimen ol adamnyń sanaspaitynyn, seni kózge ilgisi kelmeitinin bildiredi. Kez kelgen sheneýnik úshin bul óte salmaqty signal. Bul – seni qurmettemeýdiń belgisi", - deidi ol.
Evgenii Roizmannyń aitýyna qaraǵanda, Pýtinniń Toqaevtyń atyn kópshiliktiń aldynda qate aitýynyń osyndai astary bar.
"Menińshe, Toqaev óz pozitsiiasyn naqty bildirdi. Adamsha aitty. Ekinshiden, Toqaev "DHR" nemese "LHR" týraly aitylar bolsa, kelesi taqyryp Petropavlda da sondai áńgime qozǵalýy múmkin ekenin jaqsy biledi. Kezinde bul taqyrypty esterińde bolsa Limonovtardyń kótergenin bilesizder ǵoi. Toqaev oily adam – bári beske biletin áńgimeni aityp otyr. Meniń oiymsha, "DHR" men "LHR" - Ýkrainanyń "denesine" ádeii salynǵan jaraqat ispettes. Ol (Toqaev – avt.) ár nárseni óz atymen atap otyr", - dep túiedi saiasatker.
https://dalanews.kz/sadak/78714-oligarkh-otemuratov-altyn-biznesi-ushi
https://dalanews.kz/news/78564-aqzharqyn-turlybaydyng-qytay-saparyn-u
