Resei Federatsiiasynyń basshysy Vladimir Pýtin amerikalyq konservativti saiasi sholýshy Taker Karlsonǵa suhbat berip, Ýkrainamen qarym-qatynas týraly aitty, - dep habarlaidy Dalanews.kz.
Áńgime barysynda Pýtin Kievpen kelisimge kelýge daiyn ekenin málimdedi. Biraq RF basshysy bárine Reseimen kelissózder júrgizýge tyiym salatyn jarlyq shyǵarǵan Vladimir Zelenskii kináli ekenin aitady. Iaǵni Zelenskii qol qoiǵan jarlyqta eshqandai tyiym joq, iaǵni Reseimen emes, onyń prezidenti Vladimir Pýtinmen kelissózder júrgizý múmkin emes.
Pýtin Zelenskiige jarlyqtyń kúshin joisa "bári bitetinin" aitady.
"Biz eshqashan kelissóz júrgizýden bas tartqan emespizǵoi. "Resei daiyn ba?" degendi kóp estimiz. Biz bas tartqan emespiz! Olar (Ýkraina) kópshilik aldynda bas tartty. Jarlyqtyń kúshin joiyp, kelisimge kelsin. Biz eshqashan bas tartqan emespiz (kelissóz júrgizýden)", - deidi Pýtin.
Sonymen qatar, Vladimir Pýtin amerikalyqtarǵa da ún qatty: "Al AQSh-qa bul janjal kerek pe? Ne úshin? Bul sizderdiń ulttyq aimaqtaryńyzdan myń ese alysta tur. Sizderde (amerikalyqtarda) basqa da problema jetedi ǵoi: shekaradaǵy problemalar, kóshi-qon problemasy, memlekettik qaryz problemasy bar, ol shamamen 33 trillion dollardan astam. Basqa ainalysatyn tirlikterińiz joq pa? Nege Reseimen kelise salmasqa? Qazirgi jaǵdaidy túsinip, Resei óz qyzyǵýshylyǵyn qorǵaitynyn túsinip, kelisimge kelip, parasattylyqqa oralyp, elimizdi jáne onyń múddelerin qurmetteýge jáne sheshý joldaryn izdeý kerek. Eń durys ári utymdy sheshim osy dep oilaimyn", - deidi Pýtin.
Pýtin dál osylai aitady dep saiasattanýshy Tatiana Stanovaia boljam jasaǵan bolatyn. Ol Pýtin AQSh Ýkrainany qoldaýyn toqtatyp, Reseimen kelissóz júrgizý AQSh múddesine sai keledi dep aitady dep boljaǵan.
