Ǵalamtordan Qytaida sottalyp, "saiasi úirený" dep atalatyn lagerge toǵytylyp jatqan qarakóz qandastaryńnyń jaqynyn joqtap "Qutqarshy bizdi, Qazaqstan!" dep jylaǵan kóz jasyn kórgende, eriksiz qolyńdy klavishke aparady ekensiń.
Biz basynda bári ótirik dedik. Áli de solai oilaityndar bar. Biraq bul "ótirikter" qashanǵa deiin jalǵasady? Ótirik degeni shyn bolsa eken deisiń keide.
Qytaidyń ishki isine aralasa almaitynymyz anyq. Biraq Resei bir orystyń shashy tússe, dúnieniń qai túkpirine bolsa da barýǵa daiyn. Qytai da solai. Al biz arasha túsýdiń ornyna "ótirik" deimiz.
Janymyz ashymai-aq qoisyn, óz qazaǵyńdy tabalamashy, aǵaiyn!
Qytaidy bárimiz jek kóremiz. Qytaidy jek kórgenimiz úshin ol jaqtaǵy qazaqty da jek kórý kerek pe?
Biz nege sonsha qorqaqpyz? Sol qytai erteń seniń qaqpańdy, ne páterińdi qaqqanda ǵana shyryldamaqsyń ba? "Ár qazaq meniń jalǵyzym" dep, qazaqty qashan Sabyr Adaisha súiip, Abaisha kúiiner ekensiń?..
Jaras Kemeljan,
aqyn, jýrnalist, bloger
