عالامتوردان قىتايدا سوتتالىپ، "ساياسي ۇيرەنۋ" دەپ اتالاتىن لاگەرگە توعىتىلىپ جاتقان قاراكوز قانداستارىڭنىڭ جاقىنىن جوقتاپ "قۇتقارشى ءبىزدى، قازاقستان!" دەپ جىلاعان كوز جاسىن كورگەندە، ەرىكسىز قولىڭدى كلاۆيشكە اپارادى ەكەنسىڭ.
ءبىز باسىندا ءبارى وتىرىك دەدىك. ءالى دە سولاي ويلايتىندار بار. ءبىراق بۇل "وتىرىكتەر" قاشانعا دەيىن جالعاسادى؟ وتىرىك دەگەنى شىن بولسا ەكەن دەيسىڭ كەيدە.
قىتايدىڭ ىشكى ىسىنە ارالاسا المايتىنىمىز انىق. ءبىراق رەسەي بءىر ورىستىڭ شاشى تۇسسە، دۇنيەنىڭ قاي تۇكپىرىنە بولسا دا بارۋعا دايىن. جۇڭگو دا سولاي. ال ءبىز اراشا ءتۇسۋدىڭ ورنىنا "وتىرىك" دەيمىز.
جانىمىز اشىماي-اق قويسىن، ءوز قازاعىڭدى تابالاماشى، اعايىن!
قىتايدى ءبارىمىز جەك كورەمىز. قىتايدى جەك كورگەنىمىز ءۇشىن ول جاقتاعى قازاقتى دا جەك كورۋ كەرەك پە؟
ءبىز نەگە سونشا قورقاقپىز؟ سول جۇڭگو ەرتەڭ سەنىڭ قاقپاڭدى، نە پاتەرىڭدى قاققاندا عانا شىرىلداماقسىڭ با؟ "ءار قازاق مەنىڭ جالعىزىم" دەپ، قازاقتى قاشان سابىر ادايشا ءسۇيىپ، ابايشا كۇيىنەر ەكەنسىڭ؟..
جاراس كەمەلجان،
اقىن، جۋرناليست، بلوگەر
