1 qazan men 31 jeltoqsan aralyǵynda Reseıde 18 ben 30 jas aralyǵyndaǵy 135 myń azamat áskerge shaqyrylady, dep habarlaıdy Dalanews.kz.
RF prezıdenti Vladımır Pýtın kúzgi shaqyrylym týraly jáne áskerı boryshyn ótep bolǵandardy áskerden bosatý jónindegi tıisti jarlyqqa qol qoıdy. Qujat resmı quqyqtyq aqparat portalynda jarıalandy.
"2025 jylǵy 1 qazannan 31 jeltoqsanǵa deıingi merzimde Reseı Federasıasynyń 18–30 jas aralyǵyndaǵy, zapasqa alynbaǵan ári qoldanystaǵy "Áskerı mindet jáne áskerı qyzmet týraly" federaldyq zańǵa sáıkes áskerge shaqyrylýǵa tıis 135 myń azamatyn áskerı qyzmetke shaqyrý", – dep jazylǵan qujatta.
Sondaı-aq, jarlyqqa sáıkes áskerı qyzmet merzimi aıaqtalǵan sarbazdar, matrostar, serjanttar men starshınalar áskerden bosatylady.
