1 قازان مەن 31 جەلتوقسان ارالىعىندا رەسەيدە 18 بەن 30 جاس ارالىعىنداعى 135 مىڭ ازامات اسكەرگە شاقىرىلادى، دەپ حابارلايدى Dalanews.kz.
رف پرەزيدەنتى ۆلاديمير پۋتين كۇزگى شاقىرىلىم تۋرالى جانە اسكەري بورىشىن وتەپ بولعانداردى اسكەردەن بوساتۋ جونىندەگى ءتيىستى جارلىققا قول قويدى. قۇجات رەسمي قۇقىقتىق اقپارات پورتالىندا جاريالاندى.
"2025 جىلعى 1 قازاننان 31 جەلتوقسانعا دەيىنگى مەرزىمدە رەسەي فەدەراسياسىنىڭ 18–30 جاس ارالىعىنداعى، زاپاسقا الىنباعان ءارى قولدانىستاعى "اسكەري مىندەت جانە اسكەري قىزمەت تۋرالى" فەدەرالدىق زاڭعا سايكەس اسكەرگە شاقىرىلۋعا ءتيىس 135 مىڭ ازاماتىن اسكەري قىزمەتكە شاقىرۋ"، – دەپ جازىلعان قۇجاتتا.
سونداي-اق، جارلىققا سايكەس اسكەري قىزمەت مەرزىمى اياقتالعان ساربازدار، ماتروستار، سەرجانتتار مەن ستارشينالار اسكەردەن بوساتىلادى.
