Resei prezidenti Vladimir Pýtin AQSh prezidenti Donald Tramptyń Ýkrainadaǵy soǵysty toqtatýǵa baǵyttalǵan bastamalaryna qaramastan, áskeri is-qimyldardy kúsheitýi yqtimal. Bul týraly Kremlge jaqyn úsh derekkózge silteme jasaǵan Reuters agenttigi habarlady, dep habarlaidy dalanews.kz.
Pýtin bitimge kelýge asyǵar emes
Agenttik málimetinshe, Vladimir Pýtin atysty toqtatý týraly usynystardy qabyldamai, áskeri naýqandy jalǵastyrýǵa nietti. Derekkózderdiń aitýynsha, sońǵy ýaqytta Ýkraina ushqyshsyz ushaqtarynyń Reseidegi munai óńdeý zaýyttary men porttarǵa jasaǵan shabýyldary Kremldiń ustanymyn odan ári qataita túsken.
Resei basshysynyń basty maqsattarynyń biri retinde Donbass aýmaǵyn tolyq baqylaýǵa alý atalady. Kremlge jaqyn aqparat kózderiniń biri aldaǵy ailarda jaǵdaidyń ýshyǵý yqtimaldyǵy joǵary ekenin jetkizgen.
Eskalatsiia qaýpi bar
Reuters málimetinshe, yqtimal stsenariilerdiń qatarynda áskeri qimyldardyń aýqymyn keńeitý, Ýkrainamen shekara boiynda «qaýipsizdik aimaǵyn» qurý, sondai-aq NATO-men aradaǵy shielenistiń kúsheiýi de qarastyrylyp otyr. Bul málimetter resmi túrde rastalǵan joq jáne Kremlge jaqyn derekkózderdiń baǵalaýyna negizdelgen.
Kremldiń ustanymy
Sonymen birge Kreml Reseidiń beibit jolmen retteýge daiyn ekenin málimdedi. Alaida Máskeý óz maqsattaryna qol jetkizilmegen jaǵdaida Ýkrainadaǵy áskeri operatsiiany jalǵastyratynyn aitty. Kremldiń baspasóz hatshysy Dmitrii Peskov áskeri qysymdy kúsheitý qaqtyǵysty toqtatýǵa emes, kerisinshe onyń sozylýyna ákelýi múmkin ekenin málimdedi.
