"Pýstynnoe" taý-ken baiytý kombinatynyń aýmaǵynda adam ólimine ákelgen óndiristik jazataiym oqiǵa boldy. Bul týraly "AK Altynalmas" kompaniiasy málimdedi, dep habarlaidy dalanews.kz.
Qaiǵyly jaǵdai 23 shilde kúni saǵat 11:30 shamasynda kásiporynnyń óndiristik nysandarynyń birinde bolǵan. Oqiǵa saldarynan konveier mashinisi Kárim Rymbaev qaza tapty.
Qazir jazataiym oqiǵanyń naqty sebepteri men mán-jaiyn ýákiletti organdar anyqtap jatyr.
Kompaniia ókilderi marqumnyń týǵan-týystaryna, jaqyndary men áriptesterine kóńil aityp, onyń otbasyna qajetti qoldaý kórsetiletinin jetkizdi.
