"Пустынное" тау-кен байыту комбинатының аумағында адам өліміне әкелген өндірістік жазатайым оқиға болды. Бұл туралы "АК Алтыналмас" компаниясы мәлімдеді, деп хабарлайды dalanews.kz.
Қайғылы жағдай 23 шілде күні сағат 11:30 шамасында кәсіпорынның өндірістік нысандарының бірінде болған. Оқиға салдарынан конвейер машинисі Кәрім Рымбаев қаза тапты.
Қазір жазатайым оқиғаның нақты себептері мен мән-жайын уәкілетті органдар анықтап жатыр.
Компания өкілдері марқұмның туған-туыстарына, жақындары мен әріптестеріне көңіл айтып, оның отбасына қажетті қолдау көрсетілетінін жеткізді.
