Dala Inside arnasy AQSh pen Batystyń brendtik ónimderi men tehnologiiasyn erkin tutynatyn, Gollivýd kinolaryn tamsanyp kóretin jáne "amerikanosyz" tańy atpaityn orystildi qaýym Reseidiń "arnaiy operatsiiasy" fars ekenin túsindi.
Toq eterin aitqanda, Qazaqstanda turatyn orystar Pýtinge qatysty illiýziia men imperlik piǵyldan aryla bastaidy. Osy kúnge deiin Kreml kósemine tabynyp kelgender búginnen bastap táýbesine túsedi...
Qazaqstandaǵy separatizmdi qoldaityndardyń qatary seldirep, tynyshtyqty pen turaqtylyqty qoldaityndardyń aýqymy artady. Qazaq tiline degen qarsylyq tómendeidi.
Iá, Priǵojin attyń basyn keri burdy. Kelissózge dáneker bolǵan Lýkashenko Reseidegi azamattyq soǵystyń aldyn aldy. Bul ýaqytsha kidiris. Muny antrakt dep baǵalaýǵa bolady.
Priǵojinniń baskeserleri qolbasshylarynyń keri shegingenin qabyldai qoiýy ekitalai. Pýtin de bir kezgi "aspazynyń" ózine qarsy shapqanyn keshe qoiýy neǵaibyl. Reseidiń bolashaǵy bulyńǵyr. Kreml kóseminiń kreslosy men repýtatsiiasy shaiqalyp tur.
Al Qazaqstandaǵy orystar "orys áleminiń" qamytynan qutyldy deýge negiz bar. Munyń belgilerin aldaǵy ýaqytta baiqai bastaimyz. Bul protseske Pýtinniń ózi jol ashyp berdi.
