Prokýror Tuńǵyshbai Jamanqulovqa shartty jaza surady
Prokýror Tuńǵyshbai Jamanqulovty 7 jyl 6 aiǵa sottaýdy, biraq Qazaqstan táýelsizdiginiń 25 jyldyǵyna orai jariialanǵan raqymshylyq boiynsha jaza merzimin 3 jyl 7 aiǵa azaitýdy jáne jasy jetkenin eskerip shartty jaza kesýdi surady. Prokýror filmge rejisser bolǵan Talǵat Jánibekovti alty jyl shartty merzimge sottaýdy surady.
"Feniks isine" bailanysty sot protsesi 2017 jylǵy naýryzdyń 9-y kúni bastalǵan. Qylmystyq is boiynsha toǵyz adamǵa "memleketten kino túsirýge bólingen qarjyny jymqyrǵan" degen aiyp taǵylǵan.
Prokýror "Qazaqfilm" kompaniiasynyń top-menedjeri Gaýhar Ysqaqovanyń aiybyn "Qazaqfilm" qyzmetkeri retinde filmniń qarjylyq esebin qabyldap alǵan, biraq odan aqsha almaǵan" dep jeńildetip, shartty jaza kesýdi surady.
Jaryssóz kezinde sóz berilgen Tuńǵyshbai Jamanqulov qylmysyn moiyndamaitynyn, "qarjy jymqyrý qylmysynyń basynda ózi turmaǵanyn" aitty. Ol sottan ózine qatysty isten "qasaqana uiymdastyrdy" degen sózdi alyp tastaýyn surady.
Buǵan deiin Azattyq tilshisimen sóilesken Tuńǵyshbai Jamanqulov óziniń "tergeý kezinde aldanyp qalǵanyn" aitqan. Ol kinoǵa tek ideialyq jaǵynan basshylyq jasap, memleket tarapynan bólinýine aralasqanyn, al oǵan bólingen qarjyǵa atqarýshy prodiýser, býhgalter, qarjygerler jaýap iýberýi tiis ekenin aitqan.
Asylhan MAMAShULY
