پروكۋرور تۇڭعىشباي جامانقۇلوۆقا شارتتى جازا سۇرادى
پروكۋرور تۇڭعىشباي جامانقۇلوۆتى 7 جىل 6 ايعا سوتتاۋدى, بٸراق قازاقستان تەۋەلسٸزدٸگٸنٸڭ 25 جىلدىعىنا وراي جارييالانعان راقىمشىلىق بويىنشا جازا مەرزٸمٸن 3 جىل 7 ايعا ازايتۋدى جەنە جاسى جەتكەنٸن ەسكەرٸپ شارتتى جازا كەسۋدٸ سۇرادى. پروكۋرور فيلمگە رەجيسسەر بولعان تالعات جەنٸبەكوۆتٸ التى جىل شارتتى مەرزٸمگە سوتتاۋدى سۇرادى.
"فەنيكس ٸسٸنە" بايلانىستى سوت پروتسەسٸ 2017 جىلعى ناۋرىزدىڭ 9-ى كٷنٸ باستالعان. قىلمىستىق ٸس بويىنشا توعىز ادامعا "مەملەكەتتەن كينو تٷسٸرۋگە بٶلٸنگەن قارجىنى جىمقىرعان" دەگەن ايىپ تاعىلعان.
پروكۋرور "قازاقفيلم" كومپانيياسىنىڭ توپ-مەنەدجەرٸ گاۋھار ىسقاقوۆانىڭ ايىبىن "قازاقفيلم" قىزمەتكەرٸ رەتٸندە فيلمنٸڭ قارجىلىق ەسەبٸن قابىلداپ العان, بٸراق ودان اقشا الماعان" دەپ جەڭٸلدەتٸپ, شارتتى جازا كەسۋدٸ سۇرادى.
جارىسسٶز كەزٸندە سٶز بەرٸلگەن تۇڭعىشباي جامانقۇلوۆ قىلمىسىن مويىندامايتىنىن, "قارجى جىمقىرۋ قىلمىسىنىڭ باسىندا ٶزٸ تۇرماعانىن" ايتتى. ول سوتتان ٶزٸنە قاتىستى ٸستەن "قاساقانا ۇيىمداستىردى" دەگەن سٶزدٸ الىپ تاستاۋىن سۇرادى.
بۇعان دەيٸن ازاتتىق تٸلشٸسٸمەن سٶيلەسكەن تۇڭعىشباي جامانقۇلوۆ ٶزٸنٸڭ "تەرگەۋ كەزٸندە الدانىپ قالعانىن" ايتقان. ول كينوعا تەك يدەيالىق جاعىنان باسشىلىق جاساپ, مەملەكەت تاراپىنان بٶلٸنۋٸنە ارالاسقانىن, ال وعان بٶلٸنگەن قارجىعا اتقارۋشى پروديۋسەر, بۋحگالتەر, قارجىگەرلەر جاۋاپ يۋبەرۋٸ تيٸس ەكەنٸن ايتقان.
اسىلحان ماماشۇلى
