Reiderlik shabýyl jasady dep aiyptalǵan Eldos Qospaevtyń inisine 12 jyl suraldy, - dep habarlaidy Dalanews.kz.
Orda.kz málimetinshe, Aibek Qospaevqa qatysty is qaralyp jatqan mamandandyrylǵan aýdanaralyq qylmystyq sotynda taraptardyń jaryssózderi bastalǵan. Qospaevqa reiderlik, bopsalaý jáne qylmystyq jolmen tabylǵan aqshany zańdastyrý boiynsha aiyp taǵylyp otyr.
Memlekettik aiyptaýshy Aibek Qospaevty mynadai qylmystyq quqyqbuzýshylyqtar boiynsha kináli dep tanýdy suraǵan:
- QR QK 262-baby 2-bóligi - uiymdasqan toptyń nemese qylmystyq uiymnyń quramynda bolý;
- 249-bap 3-bólim 1-tarmaq - reiderlik;
- 218-bap 3-bólim 2) jáne 3) tarmaqtar - qylmystyq jolmen alynǵan aqshany jáne (nemese) ózge múlikti zańdastyrý (jasyrý);
- 189-bap 4-bólim 1) jáne 2) tarmaqtar - senip tapsyrylǵan bóten múlikti iemdený nemese ysyrap etý;
- 214-bap 2-bólim 1-tarmaq - zańsyz kásipkerlik, zańsyz banktik, mikroqarjylyq nemese kollektorlyq qyzmet;
- 233-bap 2-bólim - satýǵa arnalǵan jalǵan sáikestendirý quraldaryn jáne (nemese) esepke alý-baqylaý belgilerin daiyndaý nemese satyp alý, sol siiaqty olardy paidalaný nemese ótkizý;
- 194-bap 4-bólim 1) jáne 2) tarmaqtar - bopsalaý.
"QR QK 58-baby 3-bóligine sáikes Aibek Qospaevqa túpkilikti 12 jylǵa bas bostandyǵynan aiyrý jazasyn taǵaiyndaýdy suraimyn", - dedi prokýror Aqtóre Berikov.
Memlekettik aiyptaýshynyń aitýynsha, bul is boiynsha keltirilgen jalpy materialdyq zalal kólemi 10 milliard teńgege jetken.
Qospaevtar otbasyndaǵy sottalǵaly jatqan úshinshi aǵaiyndy osy - Aibek. Buǵan deiin onyń aǵasy Eldos Qospaev 15 jylǵa bas bostandyǵynan aiyrylǵan bolatyn. Al taǵy bir aǵasy Aidos Qospaev 12 jylǵa sottalǵan edi.
