رەيدەرلىك شابۋىل جاسادى دەپ ايىپتالعان ەلدوس قوسپايەۆتىڭ ىنىسىنە 12 جىل سۇرالدى، - دەپ حابارلايدى Dalanews.kz.
Orda.kz مالىمەتىنشە، ايبەك قوسپايەۆقا قاتىستى ءىس قارالىپ جاتقان مامانداندىرىلعان اۋدانارالىق قىلمىستىق سوتىندا تاراپتاردىڭ جارىسسوزدەرى باستالعان. قوسپايەۆقا رەيدەرلىك، بوپسالاۋ جانە قىلمىستىق جولمەن تابىلعان اقشانى زاڭداستىرۋ بويىنشا ايىپ تاعىلىپ وتىر.
مەملەكەتتىك ايىپتاۋشى ايبەك قوسپايەۆتى مىناداي قىلمىستىق قۇقىقبۇزۋشىلىقتار بويىنشا كىنالى دەپ تانۋدى سۇراعان:
- ق ر قك 262-بابى 2-بولىگى - ۇيىمداسقان توپتىڭ نەمەسە قىلمىستىق ۇيىمنىڭ قۇرامىندا بولۋ؛
- 249-باپ 3ء-بولىم 1-تارماق - رەيدەرلىك؛
- 218-باپ 3ء-بولىم 2) جانە 3) تارماقتار - قىلمىستىق جولمەن الىنعان اقشانى جانە (نەمەسە) وزگە مۇلىكتى زاڭداستىرۋ (جاسىرۋ)؛
- 189-باپ 4ء-بولىم 1) جانە 2) تارماقتار - سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ؛
- 214-باپ 2ء-بولىم 1-تارماق - زاڭسىز كاسىپكەرلىك، زاڭسىز بانكتىك، ميكروقارجىلىق نەمەسە كوللەكتورلىق قىزمەت؛
- 233-باپ 2ء-بولىم - ساتۋعا ارنالعان جالعان سايكەستەندىرۋ قۇرالدارىن جانە (نەمەسە) ەسەپكە الۋ-باقىلاۋ بەلگىلەرىن دايىنداۋ نەمەسە ساتىپ الۋ، سول سياقتى ولاردى پايدالانۋ نەمەسە وتكىزۋ؛
- 194-باپ 4ء-بولىم 1) جانە 2) تارماقتار - بوپسالاۋ.
"ق ر قك 58-بابى 3-بولىگىنە سايكەس ايبەك قوسپايەۆقا تۇپكىلىكتى 12 جىلعا باس بوستاندىعىنان ايىرۋ جازاسىن تاعايىنداۋدى سۇرايمىن"، - دەدى پروكۋرور اقتورە بەرىكوۆ.
مەملەكەتتىك ايىپتاۋشىنىڭ ايتۋىنشا، بۇل ءىس بويىنشا كەلتىرىلگەن جالپى ماتەريالدىق زالال كولەمى 10 ميلليارد تەڭگەگە جەتكەن.
قوسپايەۆتار وتباسىنداعى سوتتالعالى جاتقان ءۇشىنشى اعايىندى وسى - ايبەك. بۇعان دەيىن ونىڭ اعاسى ەلدوس قوسپايەۆ 15 جىلعا باس بوستاندىعىنان ايىرىلعان بولاتىن. ال تاعى ءبىر اعاسى ايدوس قوسپايەۆ 12 جىلعا سوتتالعان ەدى.
