Zańdylyqqa salsaq, prokýror jergilikti jerdegi ádilin aıtatyn qazy. Aýdan, qala ákimderinen bıik turǵan tulǵa. Ákimge baǵynbaıdy. Biraq birlesip jumys isteýi kerek. Buǵan deıin porokýratýra salasynyń qurylymdyq bólimderinde uzaq jyl eńbek etip, mol tájirıbe jınaǵan aǵamyz jańa qyzmetke taǵaıyndalǵannan keıin qalyptasqan daǵydy boıynsha qala ákiminiń apta saıyn ótetin aparattyq jınalysyna shaqyrtý alypty. Apprattyq basqosýǵa birneshe ret qatysqan prokýror aǵamyzǵa bul jınalys múlde unamapty.
– Jańa qyzmetke taǵaıyndalǵaly beri birneshe ret qala ákiminiń aparattyq jınalysyna qatystym. Shynymdy aıtsam, maǵan ákimdikte ótken basqosý múlde unaǵan joq. Jıyn bolǵan soń, qalynyń tirshiligine qatysty qandaı da bir máseleler qaralap, oń sheshimin tabýy kerek qoı. Biraq aparattyq jınalystar másele sheshýge baǵyttalmaǵanyn baıqadym. Meniń uǵymymda kez kelgen aparattyq jınalysta ózekti máseleniń túıinin tarqatýǵa qatysty arnaıy bólimderge tapsyrma berilip, ol kelesi aparattyq jınalysta onyń nátıjesi sóz bolýy tıis qoı. Biraq bizdiń qalalyq ákimdikte ótetin aparattyq jınalystarda kóterligen máseleniń sońǵy nátıjesi ákimge aqparat berýmen shekteletini maǵan unaǵan joq. Naqty istiń qorytyndysy boıynsha eshkim lám-lım dep aýyz ashpaıtynyn baıqadym. Aparattyq jınalysta kóterilgen ózekti máselelerdiń sońy "ákimge aqparat berýmen" tuıyqtala berýi meni jalyqtyrdy. Sonda ákim aqparatty jınaqtaıtyn gazet, jýrnal ma? Apta saıyn ótetin aparattyq jınalystyń osy bir daǵdysy kóńilimnen shyqpaǵan soń, ákimge "aqparat berýmen" shekteletin mundaı jınalysqa bola ýaqytymdy tekke ketirgim kelmeıtinimdi ashyq aıttym. Odanda qalada oryn alatyn qylmyspen kúrespeımin be? – deıdi prokýror aǵamyz.
Iá, nesin jasyramyz, aýdan, qalalarda óndiris bolmaǵan soń, ákimder aparattyq jınalystarda bolmashy nárseni sóz etip, kóp jaǵdaıda aqparat jınaýmen ǵana aınalysyp otyrǵany jasyryn emes. Sondyqtan porkýror aǵamyzdyń oıyn qýattaýdan basqa amal qaldamdy.
Nurlan Jumahan
