زاڭدىلىققا سالساق, پروكۋرور جەرگٸلٸكتٸ جەردەگٸ ەدٸلٸن ايتاتىن قازى. اۋدان, قالا ەكٸمدەرٸنەن بيٸك تۇرعان تۇلعا. ەكٸمگە باعىنبايدى. بٸراق بٸرلەسٸپ جۇمىس ٸستەۋٸ كەرەك. بۇعان دەيٸن پوروكۋراتۋرا سالاسىنىڭ قۇرىلىمدىق بٶلٸمدەرٸندە ۇزاق جىل ەڭبەك ەتٸپ, مول تەجٸريبە جيناعان اعامىز جاڭا قىزمەتكە تاعايىندالعاننان كەيٸن قالىپتاسقان داعىدى بويىنشا قالا ەكٸمٸنٸڭ اپتا سايىن ٶتەتٸن اپپاراتتىق جينالىسىنا شاقىرتۋ الىپتى. اپپراتتىق باسقوسۋعا بٸرنەشە رەت قاتىسقان پروكۋرور اعامىزعا بۇل جينالىس مٷلدە ۇناماپتى.
– جاڭا قىزمەتكە تاعايىندالعالى بەرٸ بٸرنەشە رەت قالا ەكٸمٸنٸڭ اپپاراتتىق جينالىسىنا قاتىستىم. شىنىمدى ايتسام, ماعان ەكٸمدٸكتە ٶتكەن باسقوسۋ مٷلدە ۇناعان جوق. جيىن بولعان سوڭ, قالىنىڭ تٸرشٸلٸگٸنە قاتىستى قانداي دا بٸر مەسەلەلەر قارالاپ, وڭ شەشٸمٸن تابۋى كەرەك قوي. بٸراق اپپاراتتىق جينالىستار مەسەلە شەشۋگە باعىتتالماعانىن بايقادىم. مەنٸڭ ۇعىمىمدا كەز كەلگەن اپپاراتتىق جينالىستا ٶزەكتٸ مەسەلەنٸڭ تٷيٸنٸن تارقاتۋعا قاتىستى ارنايى بٶلٸمدەرگە تاپسىرما بەرٸلٸپ, ول كەلەسٸ اپپاراتتىق جينالىستا ونىڭ نەتيجەسٸ سٶز بولۋى تيٸس قوي. بٸراق بٸزدٸڭ قالالىق ەكٸمدٸكتە ٶتەتٸن اپپاراتتىق جينالىستاردا كٶتەرلٸگەن مەسەلەنٸڭ سوڭعى نەتيجەسٸ ەكٸمگە اقپارات بەرۋمەن شەكتەلەتٸنٸ ماعان ۇناعان جوق. ناقتى ٸستٸڭ قورىتىندىسى بويىنشا ەشكٸم لەم-ليم دەپ اۋىز اشپايتىنىن بايقادىم. اپپاراتتىق جينالىستا كٶتەرٸلگەن ٶزەكتٸ مەسەلەلەردٸڭ سوڭى "ەكٸمگە اقپارات بەرۋمەن" تۇيىقتالا بەرۋٸ مەنٸ جالىقتىردى. سوندا ەكٸم اقپاراتتى جيناقتايتىن گازەت, جۋرنال ما? اپتا سايىن ٶتەتٸن اپپاراتتىق جينالىستىڭ وسى بٸر داعدىسى كٶڭٸلٸمنەن شىقپاعان سوڭ, ەكٸمگە "اقپارات بەرۋمەن" شەكتەلەتٸن مۇنداي جينالىسقا بولا ۋاقىتىمدى تەككە كەتٸرگٸم كەلمەيتٸنٸمدٸ اشىق ايتتىم. وداندا قالادا ورىن الاتىن قىلمىسپەن كٷرەسپەيمٸن بە? – دەيدٸ پروكۋرور اعامىز.
نۇرلان جۇماحان
