UQK Sybaĭlas jemqorlyqqa qarsy is-qimyl qyzmeti prokýratýranyń úĭlestirýimen laýazymdyq ókilettigin teris paĭdalandy degen kúdikpen Qarjy ministrliginiń "Problemalyq kreditter qory" AQ basqarmasynyń burynǵy tóraǵasyn ustady, dep habarlaidy Dalanews.kz.
Tergeý materialdaryna sáĭkes ol jekemenshik iesine qorǵa aýdarylýǵa tiis kepil múlkin satýdan túsken aqshany ustap qalý quqyǵyn zańsyz berip, memleketke 11,4 mlrd teńge kóleminde zalal keltirgen.
Budan bólek, ol memleket múlkin tómendetilgen qunmen satqan, sonyń saldarynan biýdjetke 1,3 mlrd teńgeden asa qarajat túspeĭ qalǵan.
Sondaĭ-aq, qujattardy qoldan jasaý arqyly kepilge qoĭylǵan jer ýchaskelerin satyp, qorǵa 800 mln teńge kóleminde zalal keltirgen boryshker kompaniialardyń menshik iesi men onyń sybaĭlastary ustaldy.
Sot sanktsiiasymen olar Qylmystyq kodekstiń 190 jáne 361-baptary boĭynsha qamaýǵa alynyp, múlikke tyĭym salyndy. Sotaldy tergep-tekserý júrgizilip jatyr.
