Premer-ministr Oljas Bektenov gaz salasyn damytýǵa arnalǵan Úkimet otyrysynda saladaǵy ózekti máselelerge basa nazar aýdardy, dep habarlaidy Dalanews.kz.
Onyń aitýynsha, memlekettik organdar men kompaniialar tek jetistikterdi emes, problemalardy da ashyq aityp, olardy talqylaýǵa usynýy tiis.
“Jumystaryńyzda eshqandai problemalyq máseleler joq pa? Jumystyń tek oń nátijelerin ǵana kórsettińiz. Biz problemalyq máseleler týraly kóbirek aitýymyz kerek, olardy jaryqqa shyǵaryp, talqylaýymyz qajet”, — dedi Premer-ministr.
Otyrys barysynda “QazaqGaz” UK” AQ basqarma tóraǵasy Sanjar Jarkeshov Qashaǵan gaz óńdeý zaýytyndaǵy jaǵdaiǵa toqtaldy. Onyń aitýynsha, qurylys jumystarynyń baiaý júrýi saldarynan belgili bir qiyndyqtar týyndaǵan. Alaida jańa bas merdigerdiń kelýimen bul máseleler tolyq sheshimin tapqan.
“Qazir qurylys keńeitildi. Josparǵa sai jumystardy belgilengen merzimde aiaqtaýdy kózdep otyrmyz”, — dep atap ótti Jarkeshov.
Otyrys nátijesinde Úkimet gaz salasyndaǵy problemalardy jasyrmai, olardy ashyq túrde sheshý qajettigin taǵy bir márte eske saldy.
