پرەمەر-مينيستر ولجاس بەكتەنوۆ گاز سالاسىن دامىتۋعا ارنالعان ٷكٸمەت وتىرىسىندا سالاداعى ٶزەكتٸ مەسەلەلەرگە باسا نازار اۋداردى, دەپ حابارلايدى Dalanews.kz.
ونىڭ ايتۋىنشا, مەملەكەتتٸك ورگاندار مەن كومپانييالار تەك جەتٸستٸكتەردٸ ەمەس, پروبلەمالاردى دا اشىق ايتىپ, ولاردى تالقىلاۋعا ۇسىنۋى تيٸس.
“جۇمىستارىڭىزدا ەشقانداي پروبلەمالىق مەسەلەلەر جوق پا? جۇمىستىڭ تەك وڭ نەتيجەلەرٸن عانا كٶرسەتتٸڭٸز. بٸز پروبلەمالىق مەسەلەلەر تۋرالى كٶبٸرەك ايتۋىمىز كەرەك, ولاردى جارىققا شىعارىپ, تالقىلاۋىمىز قاجەت”, — دەدٸ پرەمەر-مينيستر.
وتىرىس بارىسىندا “QazaqGaz” ۇك” اق باسقارما تٶراعاسى سانجار جاركەشوۆ قاشاعان گاز ٶڭدەۋ زاۋىتىنداعى جاعدايعا توقتالدى. ونىڭ ايتۋىنشا, قۇرىلىس جۇمىستارىنىڭ باياۋ جٷرۋٸ سالدارىنان بەلگٸلٸ بٸر قيىندىقتار تۋىنداعان. الايدا جاڭا باس مەردٸگەردٸڭ كەلۋٸمەن بۇل مەسەلەلەر تولىق شەشٸمٸن تاپقان.
“قازٸر قۇرىلىس كەڭەيتٸلدٸ. جوسپارعا ساي جۇمىستاردى بەلگٸلەنگەن مەرزٸمدە اياقتاۋدى كٶزدەپ وتىرمىز”, — دەپ اتاپ ٶتتٸ جاركەشوۆ.
وتىرىس نەتيجەسٸندە ٷكٸمەت گاز سالاسىنداعى پروبلەمالاردى جاسىرماي, ولاردى اشىق تٷردە شەشۋ قاجەتتٸگٸن تاعى بٸر مەرتە ەسكە سالدى.
