Vitse-premer – ulttyq ekonomika ministri Serik Jumanǵarin jańa modelde Investment Board – eldik aýqymdaǵy basym jobalardy aiqyndaityn jáne súiemeldeitin investitsiialyq qyzmet negizgi mánge ie bolatynyn atap ótti, dep habarlaidy Dalanews.kz.
"Proaktivti ekonomikalyq ósýdiń jańa saiasaty degende biz tereń saraptamany qajet etetin iri jobalar týraly aityp otyrmyz. Damý baǵyttaryn bir qurylymǵa keltirip, iri jobalardy basqarýda joǵary quzyretke ie mamandardan turatyn investitsiialyq qyzmetti, iaǵni Investment board qurýdy josparlap otyrmyz. Olar anaǵurlym tiimdi damý jolyn siltep, ekonomikamyzdyń baǵyttary men tiisti jobalardy aiqyndaityn bolady", dep túsindirdi Serik Jumanǵarin.
Onyń aitýynsha, investitsiia tartýdyń burynǵy júiesi saqtalady. Biraq praktivti saiasattyń draiveri Investment Board bolady.
Buǵan deiin Ulttyq ekonomika ministrligi janyndaǵy saraptamalyq keńestiń otyrysynda Qazaqstannyń ekonomikalyq ósiminiń jańa proaktivti saiasaty qaralyp jatqanyn jazǵanbyz. Bul rette Úkimettiń basty maqsaty – 2029 jylǵa qarai eldegi JIÓ-ni eki ese arttyryp, 450 mlrd dollarǵa deiin jetkizý. Bul mindetti Úkimet aldyna Memleket basshysy Qasym-Jomart Toqaev qoiyp otyr.
