Ázirdiń ózinde jas mamandardy kóptegen qurylymdar qyzmetke shaqyrýda. Solardyń ishinde Almas Sákenuly da bar.
Dalanews.kz tilshisi irikteýden múdirmei ótip, TOP 300-diń qataryna kirgen Almas myrzamen tildesken bolatyn.
Biylǵy jyldyń basynan beri Toqaevtyń kadrlyq rezervine kirgen Almas Sákenulyna ár túrli qurylymdar (sonyń ishinde kommertsiialyq mekemeler de bar) usynystar kelip túsken. Keiipkerimiz ázirshe barlyǵyn qarastyryp, qabiletim men tájiribem jetse naqty bir sheshimdi qabyldaimyn. Óz basym densaýlyq saqtaý salasymen bailanysty baǵytqa basymdyq berip otyrmyn dep aǵynan jaryldy.
«Astanadaǵy meditsina ýniversitetin pediatriia mamandyǵy boiynsha támamdadyq. Keiin menedjment mamandyǵyn da meńgerdim. Sonymen qatar «Bolashaq» baǵdarlamasy boiynsha magistr dárejesin de aldym», – deidi Prezidenttik jastar kadr rezerviniń múshesi.
Tutastai alǵanda, Prezidenttik jastar kadr rezervine irikteýden ótý aitýǵa ǵana ońai. Dalanews.kz bul jaiynda tereń taldaý júrgizip, ár úmitkerdiń analitikalyq, intelektýaldyq qabiletine basa mán beriletinin egjei-tegjeili jazǵan bolatyn.
Úmitkerler 4 kezeńnen, atap aitqanda testileý, saraptamalyq paiymdaý deńgeii, esse jazý sekildi satylardan ótedi.
Osyndai synaqtardan súrinbei ótken Almas Sákenuly endigi kúsh-jigerin elge qyzmet etýge sarp etýge daiyn.
«Aǵaǵa qarap, ini óser eken. Týǵan aǵamnyń ilim-bilimge degen talpynysy da maǵan qozǵaý saldy. Kadr rezervke ótken aǵamnyń artynan men de osy tizimge endim. Otbasymyz úshin óte qýanyshty jaǵdai boldy.
Jalpy atalmysh rezervtiń quramyna kirgen árbir azamattyń kózinen ot kórinip, bilimi men qabiletin memleketimiz ben qoǵam úshin kádege jaratsaq degen nieti baiqalady. 10 jyldan artyq densaýlyq saqtaý salasynda eńbek etkendikten be, maǵan meditsinadaǵy menedjerlik baǵyt jaqyn. Meniń kózqarasym boiynsha aýrýhanadaǵy bólim meńgerýshilerden bastap, bas dárigerge deiin menedjmentti jete meńgergeni durys. Jumysty bir retke keltirip, ońtailandyra protsesin ázirleý asa mańyzdy. Áli de bolsa kórinis beretin keńestik basqarý stilinen birtindep emes, tezdetip bas tartýymyz qajet. Nátijeli bolsa, naýqastarǵa da dárigerlerge de qolaily jaǵdai jasalynady», – dep óz oiyn jetkizdi.
Jaýapkershiligi joǵary densaýlyq saqtaý salasynda dárigerlerdiń biliktigi, bilimi men qatar, jumysty úilestirip, barynsha tiimdi qylý naýqasqa da, aq halatty abzal jandarǵa da paidaly bolmaq.
Qazirgi tańda Almas myrza Áleýmettik meditsinalyq saqtandyrý mekemesiniń menedjmentin damytý ústinde. Densaýlyq saqtaý qyzmetin, monitoringin, taldaýyn, infraqurylymyn úilestirý boiynsha jemisti eńbek etýde. Kópshiliktiń talqysyna túsken MÁMS jaily da surap kórdik.
«Iá búgingi tańda adamdar tarapynan ár túrli pikirler aitylýda. Ol zańdylyq. Árbir jańa joba el arasynda qyzý talqyǵa túseri belgili jait. Iá, dál qazir barlyq igiligin kórmeýimiz múmkin. Biraq aldaǵy ýaqytta, meditsinalyq saqtandyrý júiesi arqyly, densaýlyq saqtaý salasynyń biýdjeti ulǵaiyp, sáikesinshe kórsetiletin kómektiń sapasy, aýqymdylyǵy, dárigerlerdiń jalaqysy da edáýir artpaq», – deidi Almas Sákenuly.
2011-shy jyldan bastap, búgingi kúnge deiin densaýlyq saqtaý salasynda jemisti eńbek etip kele jatqan Almas adamdarǵa kórsetiletin kómektiń áli de bolsa óz deńgeiinde emes ekendigin tilge tiek etti.
Bul olqylyqtyń túzetý úshin dárigerlerdiń bilimin jetildirip, eńbegine qarai baǵalap, yntalandyryp otyrý mańyzdy. Naýqastarǵa kórsetiletin kómektiń sapasyn arttyrý úshin sońǵy úlgidegi meditsinalyq qural-jabdyqtardy jete meńgergen kadrlyq pýl qalyptasýy qajet.
Sói degen Almas Sákenuly: «Sońǵy jyldary elimizde dárigerler defitsiti sezilýde. Onyń birneshe sebebi de bar. Máselen meditsina salasynda bilim alyp jatqan stýdentter 7-shi kýrstan keiin, keide oqýyn jalǵastyrmai nemese, mamandyǵy boiynsha jumysqa ornalaspai jatatyn jaittar kezdesip jatady. Qyz balalardyń kóbi turmys quryp, ómirin otbasyna arnap jatsa, er-azamattar ailyǵy joǵary basqa salany tańdaidy. Dese de, Gippokrat antyna adal bolyp, eldiń alǵysyna bólenip júrgen dárigerler de barshylyq», - deidi.
Onyń pikirinshe Toqaev bastamasymen qolǵa alynǵan kadr rezerv týraly ideia búgin de, erteń de ómirsheńdiligin joǵaltpaidy. Al osynaý quramǵa iriktelgen jastar Jańa Qazaqstannyń qabyrǵasyn qalasýǵa ázir.
