Májilis tóraǵasy Erlan Qoshanov Parlament palatalarynyń birlesken otyrysyn shaqyrý týraly ókimge qol qoıdy, dep habarlaıdy Dalanews.kz.
"Qazaqstan Respýblıkasy Konstıtýsıasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti palatalarynyń birlesken otyrysy 2025 jylǵy 8 qyrkúıekte saǵat 11.00-de Astana qalasynda shaqyrylsyn", - dep jazylǵan ókimde.
Aıta keteıik, Qasym-Jomart Toqaev 8 qyrkúıekte ótetin Parlament palatalarynyń birlesken otyrysynda Qazaqstan halqyna joldaýyn jarıalaıdy.
Jıynǵa Senat pen Májilis depýtattary, ortalyq memlekettik organdar basshylary, Ulttyq quryltaı músheleri, qoǵam ókilderi men eńbekkerler qatysady.
Memleket basshysynyń joldaýy saǵat 11:00-den bastap respýblıkalyq telearnalardan, sondaı-aq, Aqordanyń áleýmettik jelilerdegi resmı paraqshalarynan tikeleı efırde kórsetiledi.
