Kúni keshe QR prezidentiniń kómekshisi laýazymynan bosatylǵan Qanat Sharlapaev "Samuryq-Qazyna" UÁQ" AQ direktorlar keńesi quramynan da shyǵyp qaldy. Bul týraly ulttyq ál-aýqat qory KASE-ni habardar etti, dep habarlaidy Dalanews.kz.
Usynylǵan derekke sáikes, Qanat Sharlapaevty "Samuryq – Qazyna" qorynyń direktorlar keńesi quramynan shyǵarý týraly sheshim Memleket basshysynyń ony qyzmetten bosatý týraly Jarlyqqa qol qoiǵan kúni - 25 qyrkúiekte qabyldanǵan.
Memleket basshysynyń ekonomikalyq máseleler jónindegi burynǵy kómekshisi qor keńesine alty ai buryn, iaǵni 2025 jyldyń sáýirinde kelip qosylǵan. Qazir Oljas Bektenov bastaǵan direktorlar keńesi alty adamnan turady.
Aita ketsek, Qanat Sharlapaev aqpan aiynda taǵaiyndalǵan Memleket basshysynyń ekonomikalyq máseleler jónindegi kómekshi qyzmetinen bosatylǵan bolatyn. Sondai-aq ol 2023 jyldan 2025 jyldyń basyna deiin Ónerkásip jáne qurylys ministri boldy. Buǵan deiin Sharlapaev "Báiterek" holdingin de basqarǵan.
