Amerikanyń ózinde Ortalyq Aziiadaǵy kórshiles elderdiń myńdaǵan azamattary turyp jatyr. Bul derekti Ulttyq quryltaida Prezident aitty, dep habarlaidy Dalanews.kz.
Olardyń kóbi biznesin júrgizip, saýdamen ainalysady, arasynda qaltaly adamdar paida bolýda.
"Biraq olar óziniń ulttyq ereksheligin joǵaltqan joq. Eń damyǵan elderdiń azamattary da shetel asyp, tabys tabýǵa namystanbaidy. Zamanaýi kóshpendiler, Modern Nomads degenimiz – osy. Bul – búkil álemde bolyp jatqan úrdis", - dedi Memleket basshysy.
Ol sońǵy jyldary bizdiń de jastarymyz shetelge jii shyǵa bastaǵanyn alǵa tartty. Qazir Qazaqstannyń 200 myńǵa jýyq azamaty zańdy túrde syrtta jumys istep júr.
"Tabys tabý úshin shetelde beiresmi eńbek etip júrgender de bar. Qai jerde bolsyn, eńbektiń, kásiptiń jamany bolmaidy. Tek bári zańdy bolýy kerek. Sonda memleket olardyń quqyǵyn qorǵap, qandai bir jaǵdai bolsa, kómektese alady.
El ishinde nemese shetelde zańdy túrde jumys istep, tabys tabýǵa múmkindik týsa, odan bas tartpaǵan jón. Eń bastysy – adal eńbek etý, adal jolmen tabys tabý, adal azamat bolý", - dedi Prezident.
