Memleket basshysy Qasym-Jomart Toqaev Tóraǵa Si Tszinpinniń shaqyrýymen 30 tamyz – 3 qyrkúiek kúnderi Qytai Halyq Respýblikasyna barady, dep habarlaidy Dalanews.kz.
Sapar aiasynda ótetin joǵary deńgeidegi kelissózder barysynda qazaq-qytai máńgi ári jan-jaqty strategiialyq seriktestigin nyǵaitý perspektivasy talqylanady.
31 tamyz – 1 qyrkúiek kúnderi Qazaqstan Prezidenti Tiantszin qalasynda ótetin Shanhai yntymaqtastyq uiymynyń sammitine jáne «ShYU pliýs» jiynyna qatysady.
2 qyrkúiekte Memleket basshysy Beijińge baryp, onda Qazaqstan – QHR Iskerlik keńesinde sóz sóilep, Qytaidyń iri kompaniia jetekshilerimen birqatar kezdesý ótkizedi.
3 qyrkúiek kúni Qasym-Jomart Toqaev Ekinshi dúniejúzilik soǵystaǵy Jeńistiń 80 jyldyǵyna arnalǵan saltanatty is-sharaǵa mártebeli meiman retinde qatysady.
