Memleket basshysy Chevron korporatsiiasy direktorlar keńesiniń tóraǵasy Maikl Ýirtti qabyldady,- dep habarlaidy Dalanews.kz.
Kezdesý barysynda Qazaqstan Prezidenti men amerikalyq Chevron energetikalyq korporatsiiasy direktorlar keńesiniń tóraǵasy strategiialyq áriptestiktiń qazirgi ahýaly men perspektivasyn talqylady.
Memleket basshysy Chevron kompaniiasymen seriktestik elimizdegi energetika salasyn turaqty damytýda negizgi ról atqaratynyn atap ótti. Qasym-Jomart Toqaev Maikl Ýirtti "Teńiz" ken ornyn keńeitý jobasynyń tabysty aiaqtalýymen quttyqtady.
Kezdesýde iri investitsiialyq jobalarǵa, sonyń ishinde gaz jáne munai himiiasy óndirisine erekshe nazar aýdaryldy.
Prezident otandyq kompaniialardyń munai-gaz sektoryndaǵy úlesin arttyrýdyń ózektiligin atap ótip, Chevron kompaniiasymen ózara tiimdi ári uzaq merzimdi yntymaqtastyqty tereńdetýge daiyn ekenine toqtaldy.
Maikl Ýirt Qazaqstan kompaniianyń strategiialyq ári senimdi seriktesi bolyp qala beretinin jetkizdi.
Sondai-aq, "Teńizshevroil" birlesken kásiporny 1993 jyldan 2024 jylǵa deiin elimizge aitarlyqtai investitsiia salǵanyn aitty.
