Prezıdent Qasym-Jomart Toqaev Astana halyqaralyq forýmynda Qazaqstan ekonomıkasy týraly sóz qozǵady, dep habarlaıdy Dalanews.kz.
Prezıdenttiń sózinshe, sońǵy birneshe jylda Qazaqstanda aýqymdy ekonomıkalyq jáne ınstıtýsıonaldyq reformalar júrgizildi.
"Bizdiń maqsatymyz aıqyn – barynsha ártaraptandyrylǵan, ınklúzıvti jáne keleshekke baǵdarlanǵan ekonomıka qurý. Ekonomıkalyq ósim ornyqty bolýmen qatar, onyń ıgiligi ár azamatqa ádil bólinýge tıis.
Elimizdi túbegeıli jańǵyrtyp, Ádiletti Qazaqstannyń negizin qalaý úshin memlekettilikti nyǵaıtýǵa kóp kúsh-jiger jumsap jatyrmyz. Jalpyulttyq referendým arqyly Konstıtýsıamyzǵa ózgeris engizilip, basty bılik ınstıtýttaryna reforma jasaldy. Biz sýperprezıdenttik júıeden bas tarttyq. «Kúshti Prezıdent – yqpaldy Parlament – esep beretin Úkimet» qaǵıdasyn basshylyqqa alatyn, tejeý men tepe-teńdik júıesi bar prezıdenttik respýblıka jolyn tańdadyq. Bul tujyrym Qazaqstandaǵy saıası júıeniń erekshelikterine meılinshe laıyqty model ekenine kámil senemin", - deıdi prezıdent.
Toqaev prezıdent ókilettiligi bir rettik 7 jyldyq merzimmen shektelgenin atap ótti.
"Mundaı sheshim buryn-sońdy qabyldanbaǵan. Meniń oıymsha, bul qadam elimizdiń saıası júıesin nyǵaıtýǵa, ekonomıkasyn damytýǵa jáne órkenıetti qoǵam qurýǵa negiz bolady.Prezıdent – halyqtyń belgili bir merzimge, bizdiń jaǵdaıymyzda jeti jylǵa jaldaǵan menejeri", - deıdi Memleket basshysy.
