Qasym-Jomart Toqaev Palestina Memleketiniń Joǵary sýdiasy, Prezidenttiń din isteri jónindegi keńesshisi Mahmud ál-Habbashty qabyldady, dep habarlaidy Dalanews.kz.
Memleket basshysy meimanǵa iltipat bildire otyryp, diplomatiialyq qatynas ornaǵan sátten beri Qazaqstan men Palestina arasyndaǵy yntymaqtastyq dostyq, ózara qoldaý jáne qurmet sipatynda damyp kele jatqanyna nazar aýdardy.
Prezidenttiń aitýynsha, Qazaqstan Palestinany halyqaralyq qaýymdastyqtyń tolyq múshesi retinde tanýǵa baǵyttalǵan bastamalardy dáiekti túrde qoldap keledi.
Bul rette Qasym-Jomart Toqaev elimizdiń Taiaý Shyǵystaǵy ahýaldy diplomatiialyq jolmen retteý, BUU Jarǵysy men halyqaralyq quqyq normalaryna sáikes "Qos halyq úshin eki memleket" formýlasy negizinde Palestina memleketin qurý ustanymyn jaqtaitynyn málimdedi.
Mahmud ál-Habbash Memleket basshysyna Palestina Prezidenti Mahmud Abbas joldaǵan hatty tabystady. Sondai-aq elimizdiń Palestina halqyna jáne onyń beibit ári jarqyn keleshekke umtylysyna udaiy qoldaý kórsetkeni úshin rizashylyǵyn jetkizdi.
Onyń pikirinshe, Qazaqstan Palestina úshin baýyrlas memleket sanalady. Bul ekijaqty bailanystardan, kópjaqty formattaǵy, eń aldymen, BUU men Islam yntymaqtastyǵy uiymy aiasyndaǵy qatynastardan kórinedi.
Kezdesý sońynda Qasym-Jomart Toqaev Prezident Mahmud Abbasqa izgi sálemin joldap, ony aldaǵy ýaqytta Qazaqstanǵa resmi saparmen kelýge shaqyrdy.
