Memleket basshysy Qasym-Jomart Toqaev Túrkistan oblysyna jasaǵan jumys sapary barysynda zamanaýi úlgide jabdyqtalǵan Muz saraiyn aralap, onda sportpen shuǵyldanyp jatqan jas órendermen kezdesip, olardyń otanshyldyq sezimin oiatyp, aq tilegin arnady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Muz saraiy kesheninde short-trek, mánerlep syrǵanaý jáne hokkei siiaqty qysqy sport túrlerimen jyl boiy ainalysýǵa qajetti barlyq jaǵdai jasalǵan.
Nysanda Italiia, Kanada, Germaniia, Finliandiia elderinde shyǵarylǵan qondyrǵylar ornatylǵan. Arnaiy tehnologiia alańnyń pishinin ózgertýge múmkindik beredi. Sol arqyly muz aidynynda bir mezgilde birneshe sport túrimen shuǵyldanýǵa bolady.
Qasym-Jomart Toqaev Muz saraiyn aralap kórip, balalardyń ónerin tamashalady. Sondai-aq bapkerlermen jáne sportshylarmen kezdesti.
Prezident otandyq sportshylardy árdaiym qoldaitynyn, jetistikterin baqylap otyratynyn aityp, olarǵa sáttilik tiledi. Jergilikti «Turan Tigers» hokkei klýbynyń sportshylary Memleket basshysyna komandanyń jeidesin syiǵa tartty.
Jalpy, Túrkistandy áleýmettik-ekonomikalyq damytýdyń 2021-2025 jyldarǵa arnalǵan keshendi josparyna sai oblys ortalyǵynda «Túrkistan-arena» stadiony, kópbeiindi «Olimpik» ortalyǵy jáne Bekzat Sattarhanov atyndaǵy sport kesheni, «Turan» fýtbol akademiiasynyń ǵimaraty boi kótergen. Sonymen qatar 7 tennis korty salynyp, jalpy uzyndyǵy 51 shaqyrym velojol tóselgen.
