Memleket basshysy Qasym-Jomart Toqaev «Ádiletti Qazaqstan: zań men tártip, ekonomikalyq ósim, qoǵamdyq optimizm» atty Joldaýynda týristik áleýeti zor shalǵai eldi mekenderdiń infraqurylymyn jaqsartý týraly naqty tapsyrmalar berdi, dep habarlaidy Dalanews.kz.
«Áýe habtaryn damytý – óte mańyzdy mindet. Qazaqstannyń áýe keńistigi arqyly jyl saiyn 150 myń tonnaǵa jýyq júk tasymaldanady. Aldaǵy tórt jylda bul kórsetkishti eki ese ulǵaitýǵa bolady. Áýejailarymyzdyń júk tasymaldaý múmkindigin arttyrý úshin barlyq jaǵdaidy jasaý kerek. Ishki áýe baǵdarlaryn damytýǵa airyqsha nazar aýdarǵan jón. Bul, ásirese, negizgi týrizm nysandarynyń infraqurylymyn jaqsartý úshin mańyzdy», - dedi Memleket basshysy.
Qasym-Jomart Toqaev týrizm jobalaryn júzege asyrǵanda tabiǵatqa ziian keltirmei, ekologiiany saqtaý mańyzdy ekenin eskertti.
«Balqash jáne Alakól demalys aimaqtaryndaǵy ushý-qoný jolaqtary tolyq jańǵyrtyldy. Katonqaraǵai, Zaisan jáne Kendirli óńirleriniń de týristik áleýetin durys paidalaný qajet. Osyndai demalys aimaqtarynda sapasy joǵary jol infraqurylymy bar áýe beketteri men áýejailar salý kerek. Ónerkásipti damytý qorynyń esebinen kishi aviatsiia ushaqtaryn alǵan jón», - dedi Prezident.
