Búgin osy jaitty nazarǵa alǵan Memleket basshysy Qasym-Jomart Toqaev prokýratýra qyzmetkerelrine beibit sherýge qatysyp, búlikshilik oqiǵalaryna qatyspaǵan azamattardyń jazasyn jeńildetýdi tapsyrdy. Bul jaiynda QR Prezidentiniń baspasóz hatshysy Berik Ýáli óziniń áleýmettik jeke paraqshasynda jariialady.
– Ózderińizge málim, Memleket basshysy Qasym-Jomart Toqaev Bas prokýratýraǵa «Qasiretti qańtar» oqiǵasyna qatysyp, ártúrli quqyq buzýshylyq boiynsha ustalǵan azamattardyń kinásiniń deńgeiin anyqtaýdy tapsyrdy.
Prezident olardyń aýyr qylmysy bolmasa, jazany jeńildetý sharalaryn qabyldaýǵa bolady dep sanaidy.
Beibit demonstratsiiaǵa qatysýshylar qylmystyq jaýapkershilikke tartylmaýy kerek. Memleket basshysynyń túbegeili ustanymy beibit jinalystar men mitingiler zańǵa sáikes ótýi kerek. Zańda mundai jiyndardyń eskertý arqyly ǵana ótkiziletini qarastyrylǵan. Mitingiler men jinalystardy endi qalalardyń ortalyq aýdandarynda ótkizýge bolady. Bul – elimizdegi demokratiiany ilgeriletýge baǵyttalǵan mańyzdy qadam, – dedi Berik Ýáli.
Bul – sóz joq durys sheshim. Beibit sherýge shyqqan halyqtyń búlikshilerdiń qatyryna qosýǵa bolamaidy. Mundai jaǵdai halyqtyń bilikke degen senimine selkeý túsetini anyq.
Eger biz damýǵa bet buryp, jańa Qazaqstandy qurýǵa niettensek, kúshtik qurylymdardyń beibit halyq quqyǵyn aiaqqa taptamaýy kerek. Osy rette kúshitik qurylymdar da Prezident tapsyramasyn basshylaqqa alyp, beibit sherýge shyǵyp, ustalǵan azamattardy jýyq arada bostaýy kerek.
