بۇگىن وسى جايتتى نازارعا العان مەملەكەت باسشىسى قاسىم-جومارت توقايەۆ پروكۋراتۋرا قىزمەتكەرەلرىنە بەيبىت شەرۋگە قاتىسىپ، بۇلىكشىلىك وقيعالارىنا قاتىسپاعان ازاماتتاردىڭ جازاسىن جەڭىلدەتۋدى تاپسىردى. بۇل جايىندا ق ر پرەزيدەنتىنىڭ باسپا ءسوز حاتشىسى بەرىك ءۋالي ءوزىنىڭ الەۋمەتتىك جەكە پاراقشاسىندا جاريالادى.
– وزدەرىڭىزگە ءمالىم، مەملەكەت باسشىسى قاسىم-جومارت توقايەۆ باس پروكۋراتۋراعا «قاسىرەتتى قاڭتار» وقيعاسىنا قاتىسىپ، ءارتۇرلى قۇقىق بۇزۋشىلىق بويىنشا ۇستالعان ازاماتتاردىڭ كىناسىنىڭ دەڭگەيىن انىقتاۋدى تاپسىردى.
پرەزيدەنت ولاردىڭ اۋىر قىلمىسى بولماسا، جازانى جەڭىلدەتۋ شارالارىن قابىلداۋعا بولادى دەپ سانايدى.
بەيبىت دەمونستراسياعا قاتىسۋشىلار قىلمىستىق جاۋاپكەرشىلىككە تارتىلماۋى كەرەك. مەملەكەت باسشىسىنىڭ تۇبەگەيلى ۇستانىمى بەيبىت جينالىستار مەن ميتينگىلەر زاڭعا سايكەس ءوتۋى كەرەك. زاڭدا مۇنداي جيىنداردىڭ ەسكەرتۋ ارقىلى عانا وتكىزىلەتىنى قاراستىرىلعان. ميتينگىلەر مەن جينالىستاردى ەندى قالالاردىڭ ورتالىق اۋداندارىندا وتكىزۋگە بولادى. بۇل – ەلىمىزدەگى دەموكراتيانى ىلگەرىلەتۋگە باعىتتالعان ماڭىزدى قادام، – دەدى بەرىك ءۋالي.
بۇل – ءسوز جوق دۇرىس شەشىم. بەيبىت شەرۋگە شىققان حالىقتىڭ بۇلىكشىلەردىڭ قاتىرىنا قوسۋعا بولامايدى. مۇنداي جاعداي حالىقتىڭ بيلىككە دەگەن سەنىمىنە سەلكەۋ تۇسەتىنى انىق.
ەگەر ءبىز دامۋعا بەت بۇرىپ، جاڭا قازاقستاندى قۇرۋعا نيەتتەنسەك، كۇشتىك قۇرىلىمداردىڭ بەيبىت حالىق قۇقىعىن اياققا تاپتاماۋى كەرەك. وسى رەتتە كۇشىتىك قۇرىلىمدار دا پرەزيدەنت تاپسىراماسىن باسشىلاققا الىپ، بەيبىت شەرۋگە شىعىپ، ۇستالعان ازاماتتاردى جۋىق ارادا بوستاۋى كەرەك.
