Prezident áleýmettik salanyń sapalyq turǵyda jańartýǵa naqty tapsyrmalar berdi
Elimiz úshin 2022 jyldyń basy óte kúrdeli daǵdaryspen, aýyr synmen tuspa tus keldi. Memleketimizge qarsy, elimizdiń Konstitýtsiialyq qurylymyna qarsy terroristik shabýyl jasaldy. Oǵan búkil el bolyp birigip, toitarys berdik.
Kontrterroristik operatsiianyń negizgi fazasy aiaqtalýǵa taban tiredi, sońǵy málimetter boiynsha, elimizdiń barlyq óńirinde ahýal turaqty. Bul rette Memleket basshysy UQShU-nyń bitimger kúshteriniń kómegi týraly Ujymdyq qaýipsizdik shart uiymynyń kezekten tys sessiiasynda sóilegen sózinde tolyqtai aityp ketti.
Al búgingi Májilis otyrysynda Qasym-Jomart Kemeluly UQShU bitimger kúshteriniń negizgi missiiasynyń sátti aiaqtalǵanyn málimdep, eki kúnnen keiin UQShU-nyń birlesken bitimger kontingentin Qazaqstannyń jerinen kezeń-kezeńmen shyǵarý bastalatynyn atap kórsetti.
Sondai-aq, búgin Prezidenttiń usynysymen QR Premer-Ministri laýazymyna Álihan Smaiylovtyń kandidatýrasy Májilis depýtattarynyń biraýyzdan qoldaýymen bekitildi. Premer-Ministr kandidatýrasyn tańdaýda memleketimizdiń aldynda turǵan memlekettik qarjy men ekonomikany qaita jańǵyrtý boiynsha aýqymdy mindetterdi júzege asyrý máseleleri de úlken ról atqardy.
Jalpy, Memleket basshysynyń Úkimet basshysy men quramy aldynda qoiǵan mańyzdy mindetterdi birneshe blokqa bólýge bolady. Eń aldymen, elimizdiń áskeri, quqyq qorǵaý jáne qarýly kúshter salasyn reformalaý máselesi. Jáne ol óte zańdy, ári sońǵy jaǵdailar kórsetkendei – ýaqyt keshiktirmeitin mindet.
«Elimizdiń qaýipsizdigin nyǵaitý jáne qaýip-qaterdiń aldyn alý úshin shuǵyl is-sharalardy júzege asyrý qajet... Memlekettik shekarany nyǵaitýymyz kerek» - dedi Prezident Q.K. Toqaev.
Ol úshin áskeri-kólik aviatsiiasy parkin tolyqtyrý isin, ishki isterdiń arnaiy otriadtaryn nyǵaitý, armiianyń soǵysqa daiyndyǵyn kúsheitý, Ulttyq ulannyń sandyq ári sapalyq mazmunyn keńeitý sharalaryn, ishki kóshi-qon salasyn, shekara qyzmetin qolǵa alý kerek ekeni anyq.
Sondai-aq, mamandardyń jáne sarapshylardyń pikirinshe, bul qurylymdar arasyndaǵy ózara is-áreketti, birińǵai áreket algoritmderin jolǵa qoiý máselesi de óte mańyzdy. Bul rette dini ekstrimizm, radikaldy toptardyń problemasy da ózektene túsýde, bul jaǵdaiǵa arnaiy kóńil bólip, taldaý men naqty sheshimder tetikterin oilastyrǵan jón.
Ekinshiden, ol ekonomikalyq blok. Qazirgi tańda teńsizdik máselesi, múliktik jiktelý ásirese baiqala bastady, sonymen birge halyqtyń áleýmettik problemalary tolyq sheshilmei jatqany da barshaǵa belgili.
Búgin Memleket basshysy osy problemalardy ashyq kórsetip, Úkimetti kópshiliktiń kókeiinde júrgen «Samuryq-Qazyna» qory jáne basqa da ulttyq kompaniialardyń satyp alýlarynyń ashyqtyǵyna qatysty máselelerdi, jekeshelendirýge qatysty sheshimderiniń tolyq, ashyq ári aiqyn bolýy, ekonomikadaǵy oligapoliia, biznesti qoldaýǵa arnalǵa memlekettik sharalardyń kemshilikteri, jemqorlyq sekildi memlekettiń damýyn tejeitin problemalardy sheshýge shaqyrdy.
Úshinshiden; memleket qyzmet pen memlekettik basqarý júiesine arnalǵan blok. Osy ýaqytqa deiin de memleket qyzmetkerlerdiń tiimdiligi týraly aitylyp kele jatyr. Memleket qyzmetkerler sany 15 paiyzǵa deiin qysqartyldy. Osymen Memleket basshysy qysqartýdy toqtatýǵa usyndy. Alaida, bul saladaǵy sapalyq, mazmundyq jumysqa asa nazar bólý qajettiligi alǵa qoiyldy. Meritokratiia qaǵidatyn durys túsinip ony tiimdi, ári aqylmen iske asyrýdy shaqyrdy.
Tórtinshiden, áleýmettik salanyń sapalyq turǵyda jańarýy. Ol álbette, halyqtyń ál-aýqatyn, tabysyn kóterý, meditsinalyq, bilim berý, áleýmettik igilikterin kedergisiz, tolyq mólsherde paidalaný, olardyń qoljetimdi bolýymen bailanysty.
Osy rette, Prezident Qasym-Jomart Kemeluly Toqaev Áleýmettik kodekste osnyń bári sońǵy ahýaldy, pandemiianyń saldaryn eskere otyryp, kórinis tabý kerektigine asa mán berdi.
Memleket basshysynyń aitýynsha, memlekettik biýdjettiń 50 paiyzynan kóbi áleýmettik salaǵa jumsalady, degenmen ol áli de jetkiliksiz. Bul oraida, densaýlyq, balalardy qoǵaý, bilim berý sekildi salalardy qoldaý maqsatynda Qoǵamdyq qor tetigin paidalaný týraly Prezidenttiń usynysy, meniń oiymsha, óte oryndy, ári halyqaralyq tájiribege sai.
Memleketti ary qarai damytýdaǵy osy aýqymdy mindetterdi ashyp kórsetken Prezident Q.K. Toqaevtyń halyqtyń jaǵdaiyn jiti túsinip, áleýmettik-ekonomikalyq salalarda beleń alyp jatqan kemshilikter men qiyndyqtardy eńserýge bar kúshin salatynyna búkil qoǵam senim artady.
