Parlament ekinshi oqylymda jańa Konstitýtsiiaǵa sáikes ázirlengen «Qazaqstan Respýblikasynyń Prezidenti týraly» Konstitýtsiialyq zańdy qabyldady, dep habarlaidy Dala News.
Qujatta Prezidenttiń memlekettik biliktiń barlyq tarmaqtarynyń kelisilgen ári úzdiksiz jumysyn qamtamasyz etetin joǵary laýazymdy tulǵa retindegi mártebesi bekitilgen. Sonymen qatar Prezident halyq birliginiń, memlekettik biliktiń, Konstitýtsiianyń, adam jáne azamat quqyqtary men bostandyqtarynyń kepili retinde aiqyndaldy.
Zań aiasynda Prezidentti sailaý tártibi, ant qabyldaý rásimi jáne ókilettik merzimine qatysty normalar naqtylandy. Bul ózgerister kezekten tys sailaý institýtynyń alynyp tastalýyna bailanysty engizilgen.
Qujatqa sáikes Prezident Bas prokýrordy, Konstitýtsiialyq sot tóraǵalaryn, Ulttyq qaýipsizdik komitetiniń basshysyn, Joǵary aýditorlyq palatany, Ortalyq sailaý komissiiasyn, Ulttyq bank tóraǵasyn, Adam quqyqtary jónindegi ýákildi jáne Memlekettik kúzet qyzmetiniń basshysyn taǵaiyndaidy. Al Joǵarǵy sot tóraǵasy Joǵary sot keńesiniń usynysymen bekitiledi.
Sonymen qatar Quryltaimen kelisý arqyly vitse prezidentti, Premer ministrdi, Konstitýtsiialyq sottyń 10 sýdiasyn, Joǵary aýditorlyq palatanyń segiz múshesin, Ortalyq sailaý komissiiasynyń alty múshesin jáne Joǵarǵy sot sýdialaryn taǵaiyndaý qarastyrylǵan.
Zańdaǵy eń mańyzdy jańalyqtardyń biri – vitse prezident institýtynyń engizilýi. Endi ol Memleket basshysynyń tapsyrmasymen Quryltaimen, Úkimetpen jáne ózge memlekettik organdarmen ózara jumys barysynda Prezidenttiń ókili retinde áreket etedi.
Sondai aq qujatta Prezidenttiń Qazaqstan Halyq Keńesine qatysty ókilettikteri jeke bappen bekitilgen. Oǵan quramdy qalyptastyrý jáne uiymdyq infraqurylymdy qamtamasyz etý mindetteri kiredi.
Ne ózgerdi?
Buǵan deiin Qazaqstanda vitse prezident laýazymy bolǵan joq, memlekettik basqarý júiesinde mundai institýt qarastyrylmaǵan edi. Prezidenttiń ókilettikteri negizinen qoldanystaǵy konstitýtsiialyq normalar arqyly retteldi.
Jańa zań qabyldanǵannan keiin Prezident institýtynyń quqyqtyq mártebesi keńeitilip, ókilettikter naqty bólindi. Vitse prezident qyzmeti engizilip, Quryltaimen jumys isteý tetikteri zańmen bekitildi. Sonymen qatar memlekettik organdar arasyndaǵy fýnktsiialardy naqty ajyratý jáne tejemelik ári tepe teńdik júiesin kúsheitý kózdelip otyr.
Depýtattardyń pikirinshe, bul ózgerister memlekettik basqarý júiesin jańartyp, ókilettikterdiń qaitalanýyn azaitýǵa jáne sheshim qabyldaý tiimdiligin arttyrýǵa múmkindik beredi.
