Prezident Qasym-Jomart Toqaevtyń tóraǵalyǵymen Qaýipsizdik Keńesiniń otyrysy ótti. Jiynda Qazaqstannyń ǵarysh salasynyń qazirgi jaǵdaiy men ony aldaǵy ýaqytta damytý máseleleri talqylandy, dep habarlaidy dalanews.kz.
Otyrys barysynda ǵarysh infraqurylymyn jańartý, spýtniktik bailanys júielerin kúsheitý jáne osy salanyń strategiialyq múmkindikterin memleket múddesine tiimdi paidalaný máselelerine erekshe nazar aýdaryldy.
Memleket basshysy álemdik ǵarysh indýstriiasynda úlken ózgerister bolyp jatqanyn atap ótti. Onyń aitýynsha, búginde ǵarysh salasy tek iri derjavalardyń ǵana qolyndaǵy baǵyt emes. Jeke kompaniialar da spýtniktik bailanys, navigatsiia, ǵaryshtyq monitoring jáne ǵylymi zertteý salalarynda belsendi jumys istep keledi.
Prezident osyǵan bailanysty Qazaqstan da jańa zaman talabyna beiimdelip, ǵarysh salasyndaǵy áleýetin barynsha tiimdi paidalanýy qajet ekenin aitty.
Jiynda Premer-ministrdiń orynbasary – Jasandy intellekt jáne tsifrlyq damý ministri Jaslan Mádiev baiandama jasady. Ol ǵarysh derekterine negizdelgen qoldanbaly sheshimderdi engizý jáne spýtniktik júielerdi tsifrlandyrý boiynsha júrgizilip jatqan jumystar týraly aitty.
Toqaev ǵarysh salasyn damytý tek tehnologiialyq qana emes, ǵylymi turǵydan da mańyzdy ekenin atap ótti. Ásirese astrofizika baǵytyndaǵy zertteýlerge basymdyq berý qajettigi aityldy. Memleket basshysy ulttyq tehnologiialyq jáne injenerlik áleýetti arttyrýǵa baǵyttalǵan jobalardyń mańyzyn joǵary baǵalady.
Sonymen qatar Prezident halyqaralyq áriptestikti nyǵaitý máselesine toqtaldy. Ol Resei Federatsiiasymen jáne ózge de sheteldik seriktestermen strategiialyq yntymaqtastyqty tereńdetýdi tapsyrdy.
Otyrysta Baiqońyr qalasy men oǵan jaqyn ornalasqan eldi mekender turǵyndarynyń áleýmettik-turmystyq jaǵdaiyn jaqsartý máselesi de sóz boldy. Bul baǵyttaǵy jumystardy júieli túrde jalǵastyrý qajettigi aityldy.
Jiyn qorytyndysy boiynsha Qasym-Jomart Toqaev Úkimetke ǵarysh salasyn jańǵyrtý, onyń nátijelerin ekonomika men memlekettik basqarý júiesinde tiimdi qoldaný jóninde naqty tapsyrmalar berdi.
