«Barlyq baǵdarlamalyq qujattar halqymyzdyń ál-aýqaty men ómir súrý sapasyn arttyrýǵa baǵyttalǵan.
Bul tapsyrmalar qiyn kezeńde, únemi týyndap otyratyn syrtqy jáne ishki syn-qaterler jaǵdaiynda iske asyryldy.
Degenmen jalpy qoiylǵan mindetter júzege asyryldy, al uzaq merzimdi jáne júieli tapsyrmalar oryndalý barysynda», — dep atap ótti Álihan Smaiylov.
Aita ketelik, biyldan bastap Jańa Qazaqstanda jeke tulǵalardyń bankrottyǵy týraly zań jumys istei bastady.
Búgingi tańda 10 myńnan astam azamat sottan tys bankrottyq rásimin paidalanǵan. Smaiylovtyń atap ótkenindei bul halyqtyń qaryz júktemesin jáne qoǵamdaǵy áleýmettik shielenisti azaitýǵa múmkindik bergen.
Premer budan bólek zańsyz satyp alynǵan aktivterdiń máselesin sóz etip, olardy memleketke qaitarý maqsatynda tiisti zań qabyldanǵanyn eske saldy.
"Búgingi tańda Demonopolizatsiialaý jónindegi komissiia jumysynyń nátijesi boiynsha 16 kompaniianyń aktsiialar paketi men qatysý úlesi, 7 ǵimarat, 160 temir joldary men nysan, sondai-aq aqshalai qarajat memlekettik menshikke qaitaryldy.
Jalpy, kóleńkeli ekonomikaǵa qarsy is-qimyl boiynsha qabyldanǵan sharalar sońǵy 4 jylda kóleńkeli ekonomikanyń úlesin 27%-ten 19%-ke deiin tómendetýge múmkindik berdi", – deidi Smaiylov.
