"Power International Holding" (PIH) Qazaqstandaǵy investitsiialyq josparlaryn odan ári keńeitýge nietti ekenin rastady. Bul rette qabyldanatyn sharalardy QR Syrtqy ister ministriniń orynbasary Álibek Qýantyrov pen "Kazakh Invest" UK" AQ Basqarma tóraǵasy Erjan Elekeev PIH kompaniiasynyń Qazaqstandaǵy basqarýshy direktory Amer Mahasenmen bolǵan kezdesýi kezinde talqylady, dep habarlaidy Dalanews.kz.
Kezdesý barysynda taraptar energetika, telekommýnikatsiia, densaýlyq saqtaý, aqparattyq tehnologiialar jáne taý-ken metallýrgiiasy salalaryndaǵy PIH kompaniiasynyń qazirgi jobalary men bolashaq josparlaryn talqylady.
Amer Mahasen kompaniia IT-startaptardyń halyqaralyq tehnoparki – "Astana Hub" negizinde zańdy tulǵa retinde tirkep, tsifrlyq sheshimder men qyzmetterdi iske asyrý múmkindikterin qarastyryp jatqanyn aitty. Densaýlyq saqtaý salasynda PIH-tyń meditsinalyq infraqurylym boiynsha halyqaralyq tájiribesin qoldana otyryp, meditsinalyq mekemelerdi salý jáne basqarýǵa qatysý máselesi talqylanýda. Sondai-aq kompaniianyń halyqaralyq naryqtardaǵy tabysty tájiribesin eskere otyryp, taý-ken metallýrgiia sektorynda jer qoinaýyn paidalaný naryǵyna shyǵý perspektivalary zerttelýde.
Kezdesý barysynda PIH pen Qazaqstan Respýblikasy Úkimeti arasyndaǵy kompaniianyń ózekti jobalaryn qamtityn Investitsiialyq kelisimdi daiyndaý máselesi qaraldy.
Ministrdiń orynbasary katarlyq investitsiialardyń el ekonomikasynyń ornyqty damýy úshin mańyzdylyǵyn atap ótti.
"Power International Holding" jobalary ekonomikamyzdyń negizgi baǵyttaryn qamtidy. Gaz óńdeý infraqurylymy energetikalyq qaýipsizdikke, telekommýnikatsiia – tsifrlandyrýǵa yqpal etedi. Densaýlyq saqtaý, IT jáne taý-ken salalaryndaǵy bastamalar – tehnologiialardy transfertteýge jáne óndiristik kooperatsiiany damytýǵa múmkindik beredi. Qazaqstan bul jobalardyń sátti iske asýyna jan-jaqty qoldaý kórsetýge daiyn", – dedi ol.
Óz kezeginde, Elekeev "Kazakh Invest" kompaniiasy PIH jobalaryn barlyq kezeńderde – qujattama daiyndaýdan bastap memlekettik organdarmen ózara is-qimyldy úilestirý jáne ákimshilik rásimderdi jedeldetýge deiingi aralyqta tolyq súiemeldeitinin atap ótti.
Kezdesý qorytyndysy boiynsha taraptar ekijaqty investitsiialyq yntymaqtastyqty tereńdetýge múddelilik tanytyp, ózara tiimdi ózara is-qimyldy jalǵastyrýǵa nietterin rastady.
Aita ketsek, PIH Qazaqstanda birqatar strategiialyq mańyzdy jobalardy júzege asyryp jatyr. Atap aitqanda, Qashaǵan ken ornynda jyldyq qýattylyǵy 1 jáne 2,5 mlrd tekshe metr bolatyn eki gaz óńdeý zaýytynyń qurylysy, "Beineý – Bozoi – Shymkent" magistraldy gaz qubyrynyń ekinshi jelisiniń, KS-14 kompressorlyq stantsiiasynyń jáne "KS-14 – Aqtóbe – Qostanai" magistraliniń qurylysyna qatysý. Sonymen qatar 2023 jyly PIH Tele2 jáne Altel kompaniialaryndaǵy 100% úlesti satyp alyp, telekommýnikatsiialyq qyzmetter naryǵyna shyqty.
