Azattyqqa suhbat bergen Pompeo Amerikanyń Orta Aziiaǵa qatysty kózqarasyn ortaǵa salypty.
"Biz Orta Aziianyń gúldengenin qalaimyz.
Osy aimaqtaǵy árbir el táýelsiz ári eshkimge alaqan jaimaityn, eshkimge táýmendi emes, eshkimniń vassaly bolmaityn egemen, erkin memleket bolǵanyn qalaimyz.
Aimaqta 5 memleket ózine tán mádeni-rýhani keńistigin keńeitip, óz azamattarynyń erkindigi men damýyna jol ashqanyn qalaimyz. Dál qazir dál osy baǵytta jumys isteýdemiz. Osy maqsatta AQSh-tyń tarapynan qarajat bólinedi jáne aimaqta ári qarai da qala bermekpiz", – dedi Maik Pompeo.
Aq úi Eýraziialyq odaqtyń túpki maqsaty kelmeske ketken Qyzyl imperiiany qaita tiriltý ekenin talai márte aitqan.
Kúni keshe Ózbekstan prezidenti Shavkat Mirziiaev Ózbekstannyń atalǵan odaqqa múshe bolmaitynyn aitty.
"Bizdi eshqandai el eshqashan táýelsizdikti aiyra almaidy. Táýelsizdik halyq senim artqan prezidenttiń qolynda. Biz Eýraziialyq ekonomikalyq odaqqa múshe bolmaimyz", – dedi ózbek basshysy.
