Soltústik Qazaqstan oblysynyń ortalyǵy Petropavlda Ýshev kóshesi boiyndaǵy bógetti qaita nyǵaitý jumystaryna 228 million teńge bólindi. Memlekettik satyp alý bir kózden tikelei shart jasasý tásilimen ótkizilgen, dep habarlaidy dalanews.kz.
Tapsyrys berýshi bul sheshimdi tótenshe jaǵdailardyń saldaryn joiý qajettiligimen túsindirgen. Alaida atalǵan bógetke buǵan deiin de aýqymdy jóndeý júrgizilgen.
2025 jyldyń qańtarynda tasqynnan keiin bógetti qaita jańǵyrtý jumystary aiaqtalýǵa jaqyn ekeni habarlanǵan. Ol kezde jobaǵa shamamen 850 million teńge jumsalǵan. Al jańa kelisimshartty qosa eseptegende, bógetke bólingen qarjy kólemi 1 milliard teńgeden asty.
Sonymen qatar memlekettik satyp alý qujattarynda tikelei kelisimshart jasaýdyń naqty negizdemesi kórsetilmegen. Al merdiger retinde sońǵy on jyl boiy memlekettik satyp alýǵa qatyspaǵan uiym tańdalǵan.
