18 maýsymda Petropavl qalasyndaǵy Ahmet Baitursynuly atyndaǵy №9 mektepte attestat tapsyrý saltanaty barysynda májilis zalynyń tóbesi opyrylyp tústi, dep habarlaidy Dalanews.kz.
Oqiǵa kezinde zalda shamamen júzge jýyq adam – mektep túlekteri, ata-analar men ustazdar bolǵan. Abyroi bolǵanda, eshkim zardap shekken joq.
Soltústik Qazaqstan oblystyq bilim basqarmasynyń málimetinshe, shamamen 13 sharshy metr aýmaqtaǵy “armstrong” úlgisindegi tóbe taqtalary tómen qulaǵan. Jaǵdaiǵa qaramastan, mektep ujymy shuǵyl sheshim qabyldap, merekelik jiyndy mektep aýlasyna kóshirip, josparlanǵan stsenarii boiynsha jalǵastyrǵan.
Mektep ákimshiligi májilis zalyna sońǵy 20 jylda kúrdeli jóndeý júrgizilmegenin moiyndady. Qazir oqiǵa ornyna arnaiy mamandar tartylyp, tóbe qulaýynyń naqty sebebi anyqtalyp jatyr. Tekserý aiaqtalǵan soń resmi qorytyndy jasalyp, qalpyna keltirý sharalary qolǵa alynbaq.
