18 ماۋسىمدا پەتروپاۆل قالاسىنداعى احمەت بايتۇرسىنۇلى اتىنداعى №9 مەكتەپتە اتتەستات تاپسىرۋ سالتاناتى بارىسىندا مەجٸلٸس زالىنىڭ تٶبەسٸ وپىرىلىپ تٷستٸ, دەپ حابارلايدى Dalanews.kz.
وقيعا كەزٸندە زالدا شامامەن جٷزگە جۋىق ادام – مەكتەپ تٷلەكتەرٸ, اتا-انالار مەن ۇستازدار بولعان. ابىروي بولعاندا, ەشكٸم زارداپ شەككەن جوق.
سولتٷستٸك قازاقستان وبلىستىق بٸلٸم باسقارماسىنىڭ مەلٸمەتٸنشە, شامامەن 13 شارشى مەتر اۋماقتاعى “ارمسترونگ” ٷلگٸسٸندەگٸ تٶبە تاقتالارى تٶمەن قۇلاعان. جاعدايعا قاراماستان, مەكتەپ ۇجىمى شۇعىل شەشٸم قابىلداپ, مەرەكەلٸك جيىندى مەكتەپ اۋلاسىنا كٶشٸرٸپ, جوسپارلانعان ستسەناريي بويىنشا جالعاستىرعان.
مەكتەپ ەكٸمشٸلٸگٸ مەجٸلٸس زالىنا سوڭعى 20 جىلدا كٷردەلٸ جٶندەۋ جٷرگٸزٸلمەگەنٸن مويىندادى. قازٸر وقيعا ورنىنا ارنايى ماماندار تارتىلىپ, تٶبە قۇلاۋىنىڭ ناقتى سەبەبٸ انىقتالىپ جاتىر. تەكسەرۋ اياقتالعان سوڭ رەسمي قورىتىندى جاسالىپ, قالپىنا كەلتٸرۋ شارالارى قولعا الىنباق.
