Petropavlda qoqys poligonynda tabylǵan oq-dári jarylyp, 23 jastaǵy jigittiń beti jaralandy. Oqiǵa 7 tamyz kúni túski tórt shamasynda bolǵan,- dep habarlaidy Dalanews.kz KTK arnasyna silteme jasap.
Politsiianyń aldyn ala málimetinshe, eki er adam turmystyq qaldyqtar poligonynda júrip, oq-dári taýyp alǵan. Ony teksermek bolǵan sátte jarylys bolyp, Tájikstannan kelgen gastarbaiterdiń oń jaq samaiy men qabaǵy zaqymdanǵan.
Dárigerlerdiń aitýynsha, jaraqat adam ómirine qaýipti emes.
— Jaraqat tek teri jáne teriasty mai qabatyn zaqymdaǵan. Kózge de, bas súiegine de ziian kelmegen. Alǵashqy kómek kórsetilgen soń naýqas úiine jiberildi, — dedi Petropavl jedel járdem aýrýhanasynyń hirýrgi Baǵdat Shaǵdarov.
Qazir politsiia oqiǵanyń mán-jaiyn anyqtap, tekserý júrgizip jatyr. Oqiǵa ornynda atys qarýy qoldanylmaǵany belgili boldy.
