Petropavlda aýladaǵy itti pyshaqtap óltirgen 47 jastaǵy turǵyn raqymshylyqqa iligip, qylmystyq jaýapkershilikten bosatyldy, dep habarlaidy dalanews.kz.
"Kriminalnyi Kazahstan" telegram arnasynyń málimetinshe, oqiǵa 15 maýsym kúni Kárim Súteshev kóshesindegi turǵyn úilerdiń biriniń aýlasynda bolǵan. Tergeý málimetinshe, mas kúide bolǵan er adam Barsik esimdi itke birneshe ret pyshaq suǵyp, janýar oqiǵa ornynda kóz jumǵan.
Kúdikti kóp uzamai ustaldy. Ol tergeý barysynda da, sotta da kinásin tolyq moiyndap, jasaǵan áreketine ókinetinin aitqan.
Janýarǵa qatygezdik tanytyp, onyń ólimine sebep bolǵany úshin er adamǵa 200 AEK-ke deiin aiyppul salý nemese 50 táýlikke deiin qamaýǵa alý jazasy qarastyrylǵan edi.
Alaida sot otyrysynda aiyptalýshy raqymshylyq jasaýdy surap, ótinish bildirgen. Sot onyń ótinishin qanaǵattandyryp, qylmystyq isti toqtatty jáne er adamdy qylmystyq jaýapkershilikten bosatty.
Sot qaýlysy ázirge zańdy kúshine engen joq.
