Petropavlda teledidar pýlti kisi ólimine sebep boldy, dep habarlaidy Dalanews.kz Halyqstan arnasyna siltep.
Petropavl qalasynyń 52 jastaǵy turǵyny tanys áieldiń úiine barǵan. Alaida kezdesý qaiǵyly jaǵdaimen aiaqtalǵan, janjal kezinde áiel er adamdy teledidar pýltimen urǵan.
Aldyn ala málimet boiynsha birge ishimdik ishkennen keiin olardyń arasynda janjal týyndaǵan. Arna dereginshe, er adam birinshi bolyp qol kótergen, osydan keiin áiel er adamnyń basynan birneshe ret pýltpen urǵan.
Oqiǵa 7 aqpanda bolǵan. Zardap shekken azamat tek kelesi kúni aýyr hálde aýrýhanaǵa jetkizilgen. Dárigerler on kún boiy onyń ómiri úshin kúreskenimen, aman alyp qalý múmkin bolmaǵan.
Soltústik Qazaqstan oblysy Politsiia departamenti bul derek boiynsha sotqa deiingi tergeý bastalǵanyn habarlady.
Kúdikti retinde 58 jastaǵy áiel ustalyp, ýaqytsha ustaý izoliatoryna qamalǵan. Qazir tergeý amaldary júrgizilip jatyr.
