Peterbýrgtegi teraktige Qazaqstan azamatynyń qatysy bar ma?
«Keibir BAQ-ta 3 sáýir kúni Sant-Peterbýrgtegi teraktini oryndaýshy Qazaqstan azamaty bolýy múmkin degen aqparat paida boldy. 3 sáýir kúni jergilikti ýaqytpen 21:06-da Sankt-Peterbýrgtegi Qazaqstannyń Bas konsýlyna almatylyq Irina Aryshevadan telefon qońyraýy kelip tústi. Ol jarylys týraly aqparattan keiin Sankt-Peterbýrg ekonomikalyq ýniversitetiniń 3-kýrsynda oqityn óziniń uly, 09.08.1996 jyly týǵan Aryshev Maksim Vitalevichtiń bailanysqa shyqpai qalǵanyn aitqan. Sankt-Peterbýrgte M.Aryshev óziniń dos qyzymen, ápkesimen jáne jezdesimen birge turady. Týystarynyń habarlaýynsha, Maksim sońǵy ret 3 sáýir kúni 14:30-da sabaqtan shyǵyp, Sennaia ploshad stansasynan Tehnologiialyq institýt arqyly úige qaityp kele jatqanyn habarlaǵan», – dep jazdy Ánýar Jainaqov.
Qazirgi ýaqytta Sankt-Peterbýrgtegi Qazaqstannyń Bas konsýly terakti qurbandaryn taný júrgizilip jatqan aýrýhanada. Astana ýaqytymen tańǵy saǵat 5.30 jaǵdaiynda qurbandar arasynda Qazaqstan azamattarynyń joqtyǵy anyqtaldy. "Maksim Aryshevtyń Sankt-Peterbýrgtegi teraktige qatysy bar dep aitýǵa áli erte. Ony izdestirý jumystary jalǵasyp jatyr». Qaza tapqandardyń týystary men jaqyndaryna qaiǵyra kóńil aitamyn», – dedi QR SIM baspasóz qyzmetiniń basshysy Ánýar Jainaqov.
Derekkózi: Qazaqparat
